Elephanta Island သို့ အလည်တစ်ခေါက်

The Gateway of India (Mumbai)

ဒါကမော်တော်ဘုတ်ပေါ်မှာပေါ့..

အမြင်ဆန်းနေတဲ့သဘောင်္ကြီး(သောင်တူးသဘောင်္ာထင်တယ်)

ဘုံဘေမြို့ဆိပ်ကမ်းအလှ

မိမိရောက်ရှိနေရာ အနီး စိတ်ဝင်စားဖွယ်နေရာလေးတွေ ရှိတယ် ကြားရင် အလည်အပတ်ခရီး တစ်ခါတစ်ခေါက်ဖြစ်ဖြစ် သွားချင်စိတ်ဖြစ်တတ်ပါတယ်။ ယခုရောက်နေတာက ဘုံဘေ။ ဘုံဘေ ဆိုတာက အရှေ့တိုင်းရဲ့ နယူးရောက်လို့ တင်စားပြောနိုင်မလား။ဒီမြို့မှာ ကမ္ဘာ့အဆင့်မှီ ဘီလျံနာ သူဌေးကြီးများ လည်းရှိသလို ဖြစ်သလိုစား ဖြစ်သလိုနေထိုင်ကြတဲ့ အခြေအနေမဲ့ Slum များလည်း အများအပြားရှိကြလေရဲ့။ ဗီဇာကသက်တန်းက မကြာမှီ ကုန်တော့မယ်။ ဘုံဘေရောက်စဉ် လည်ပတ်သင့်ရာ စိတ်ဝင်စားဖွယ်နေရာတစ်ချို့ ဆီ သွားဦးမယ်လို့ စိတ်ကူးရပါတယ်။

ဘယ်နေရာ သွားရင်ကောင်းမလဲ….၊ လွယ်ပါတယ်..အင်တာနက်ပေါ် ရှာလိုက်။ ဘုံဘေတစ်ခွင်က တို့ရစ် ဆိုက် လို့ ဂိုဂယ်မှာ ရိုက် ထည့်..ရှာလိုက်တာ။တွေ့ပါပီ…ကမ္ဘာ့အမွေအနှစ်ရှေးဟောင်း နေရာ..Elephanta Island and Elephanta Caves တဲ့။ လိုကေးရှင်းကို ဂိုဂယ် အတ်နဲ့ ရှာကြည့်တော့ ဘုံဘေ နဲ့ မနီးမဝေး ခရီး။ တစ်နေ့တာတော့ အချိန်ပေးရမယ်။

Elephanta Island ကိုရောက်ပါပီ

ဒီရထား စီးရင် အသွားအပြန် ၁၀ ကျမယ်

လမ်းလျှောက်ဝင်တော့ အကုန်အကျသက်သာတာပေါ့..

လမ်းညွှန်စာအုပ်ဝယ်နိုင်ပြီ

ကျိုက်ထီးရိုးအလား ဈေးဆိုင်လေးများ..

အချိုရည်လုသောက် ကိုရွှေမျောက်

ဝင်ကြေးပေးရသည် ၂၅၀ စီ.

ဒါနဲ အစောကြီးအိပ်ရာထ၊ မနက်ငါးနာရီခွဲမှာ အသင့်ပြင်၊ ၆ နာရီမှာ တည်းခိုရာ Kalina University Campus မှ ဒေသအခေါ် Auto, သီရိလင်္ကာ အခေါ် Three Wheel,ထိုင်းအခေါ် တုတ်တုတ် စီးပြီး Santacruze(E) ဘူတာသို့ ထွက်ခဲ့တယ်။ Santacruze(E) မှ Churchgate သို အသွားအပြန် ရထားလက်မှတ်ဖြတ်၊ ရထားစောင့်စီး၊ Churgegate သို့လာတယ်။ နောက် Gateway of India ကို ခရီးဆက်…တယ်။ မနက်စာ စားပြီးနောက် နာရီကြည့်လိုက်တော့ ၈ နာရီခွဲ။ Elephanta Island သို့ သွားတဲ့ ပထမဆုံး ဖယ်ရီဘုတ်က မနက် ၉နာရီ။ သဘောင်္မှီအောင် India Gate သို့သွား..၊ ဖယ်ရီဘုတ်ရဲ့ အပေါ်ထပ်မှာ နေရာယူ..၉ နာရီထိုးတာနှင့် လှေ ကမ်းက ခွါ .. Elephanta Island သို့ ဦးတည်မောင်းပါတော့တယ်။….

ပင်လယ်နဲ့ မစိမ်းလှပေမဲ့ ဘုံဘေ ဆပ်ကမ်းအလှ ကို ပထမဆုံး ထိတွေ့ခွင့်ရတာမို့…မော်တော်ဘုတ်စီးရင်း ရှုခင်းတွေကို မှတ်တမ်းတင်တယ်။ကင်မရာလေးလည်း ဘက်ထရီကုန်မှ အနားရပါတော့တယ်…။ :P

ကျွန်းပေါ်ရှိတောင်ကုန်းပေါ်က မြင်ကွင်း.

ဘုံဘေ ဆိပ်ကမ်း.အိန္ဒိယ ဂိတ်ဝေးမှ မနက် ၉ နာရီထွက်..၊မနက် ၁၀နာရီမှာ Elephanta Island သို့ဆိုက်ပါတယ်။ ဘုံဘေ အပြန်မော်တော်က နေ့လည် ၁၂ နာရီမှ ညနေ ၅နာရီခွဲ အထိ နာရီဝက် တစ်စင်းထွက်ပေးတယ်။ ဆိပ် ကမ်းနဲ့ ကျွန်း က တစ်ကီလိုမီတာ သာသာပါ။ ရထားလေးစီးမလား…ရတယ်။ ၁၀ ပေးရမယ်။ ကျွန်းပေါ် ရောက်လို့ အ၀င်..ဂိတ်ကြေးက တစ်ခါ ပေးရပြန်တယ်။ ကျွန်းဂိတ်ကိုဖြတ်ပြီးနောက် ကျောက်လှေကားလေးနဲ့ ကုန်းလေးကို တက်သွား၊ တစ်ဘက်တစ်ချက်မှာ ခင်းထားတဲ့ဈေးဆိုင်တန်းတွေက ကျိုက်ထီးရိုးကို ပြန်ရောက်နေသလား ထင်ရတယ်။ အစာမြင်ရင် အတင်း ၀င်ဆွဲလု တတ်တဲ့ မျောက်တွေက ဟို နားဒီနား တွေ့ ရတယ်။

အမြောက်ကြီး..တစ်ခု.

ဘာသာခြားနဲ့မရောယှက်..ဗုဒ္ဓဘာသာဆိုင်ရာ ဘုရားပုထိုး ဆင်းတု ဂူတွေ ရှိသေး တယ်လို့သိရပေမဲ…No visitors allow ပါတဲ့။ ကိုးကွယ်ဆည်းကပ်သူ မရှိတော့ဘူးဆိုရင် စေတီဘုရား ဆင်းတုတော်တွေလည်း…..သင်္ခါရတွေပါဘဲ။

တောင်ကုန်းကို ကွေ့ပတ်ပြီးတောင်ထိပ်တက်သွားတော့ တွေ့ရတာက အမြောက်ကြီး ၂ လက်။ကြည့်ခဲ့ဖူးတဲ့ The Guns of Navarone ကိုပြန်အောက်မေ့ မိပါတယ်။

ဘုံဘေဆိပ်ကမ်းရှိ စပိဘုတ်များ..

လှေပေါ်ဝယ်..အမှတ်ရ.

၂ နာရီမှာ ပြန်ထွက်တဲ့ ဖယ်ရီ နဲ့ပြန်လာခဲ့ပြီး..တည်းခိုရာအဆောင်ရောက်တော့ ညနေ ၄ နာရီခွဲပါပြီ။ ဘုံဘေအနီးရှိ.World Heritage စားရင်းဝင် Elephanta Island and Caves ဆီ အလည်ရောက်ခဲ့ပြီးဖြစ် ကြောင်း မှတ်တမ်းပြုရပါသတည်း။…….။

ကျမသိခဲ့သော နေပြည်တော်

ကိုမင်းယွန်းသစ်ရေးထားတဲ့ နေပြည်တော်အကြောင်းက တော်တော်ကို ပြည့်စုံပါတယ် ။ နေပြည်တော်ကိုတောင် ထပ်သွားချင်သွားပြီ။ လွန်ခဲ့တဲ့ တစ်နှစ်လောက်က မြန်မာနိုင်ငံကို ခဏပြန်တုန်း နေပြည်တော်ကို သွားလည်ဖူးပါတယ်။ ကျမ သွားတဲ့ အချိန်က အကယ်ဒမီပေးပွဲ ကျင်းပဖို့ တရက်ပဲလိုတော့လို့ အကယ်ဒမီပေးပွဲ ကျင်းပမယ့် အဆောက်အဦးကို မြင်ခဲ့ရပါတယ်။


နေပြည်တော်မြို့မဈေးကြီးက ဆောက်လုပ်ဆဲအဆောက်အဦးတွေနဲ့ အခုလိုမစည်ကားသေးပါဘူးရှင်။ လူအသွားအလာလည်း အရမ်းကို နည်းပါသေးတယ်။
အပေါ်စီး ကနေ လှမ်းရိုက်ထားတာပါ။ ညာဘက်အချမ်းမှာ အမိုးအပြာလေးတွေ မိုးထားတဲ့နေရာလေး တွေ့မိကြပါသလား။ အဲဒါ တုတ်တုတ်လို့ ခေါ်တဲ့ ဆိုင်ကယ်ခေါင်းနဲ့ ထော်လာဂျီကိုယ်ဆက်ထားတဲ့ စီးတော်ယာဉ်တွေရဲ့ စုဝေးရပ်နားရာမှတ်တိုင်ဖြစ်ပါတယ်။

နေပြည်တော်မြို့မဈေး မုခ်ဦးပါ။

ကားပေါ်ကနေ လှမ်းရိုက်ထားတဲ့ ဧဒင် အ၀ိုင်းပါ။ ကံကောင်းစွာနဲ့ စီးတော်ယာဉ်(3)မျိုးစလုံး ဧဒင် အ၀ိုင်းကို ပတ်နေတာကို ဓာတ်ပုံရိုက်ယူနိုင်ခဲ့ပါတယ်။
ဒီပုံက နည်းနည်းပိုကြည်လင်သလိုပဲနော်။ ဝေးတာတော့ ဝေးတုန်းပဲ။ :P
ဘာအဆောက်အဦးလည်းတော့ မသိပါဘူး။ ချစ်စရာအရောင်လေးနဲ့မလို့ ရိုက်ယူခဲ့ပါတယ်။
ကျမရိုက်ခဲ့တဲ့ ဓာတ်ပုံ ဒါအကုန်ပါပဲရှင်။ အဲဒီတုန်းက တရားဝင် ဓာတ်ပုံရိုက်ခွင့်မပြုသေးပါဘူး။(အခုတော့ ဘယ်လိုအခြေအနေရှိလည်း မသိပါ။) ကြောက်ကြောက်နဲ့ ဘာလို့ ရိုက်ခဲ့ရလည်းဆိုတော့ နေပြည်တော်ကို ရောက်ဖူးဖို့နေနေသာသာ၊ ဘယ်နားမှာ ရှိမှန်းတောင် သေချာမသိသေးတဲ့ ကျမ သူငယ်ချင်းတွေကို ပြချင်လို့ပါ။ တခြားဘာရည်ရွယ်ချက်မှာ မရှိပါဘူးရှင်။

မှတ်ချက်၊ကိုမင်းယွန်းသစ်ရဲ့ နေပြည်တော်Post ကို အားဖြည့်တဲ့ အနေနဲ့ ဒီPost ကို ရေးလိုက်ပါတယ်ရှင်။

လာအိုနိုင်ငံ ဗီယန်ကျန်းမြို့ သို့ အလည်တစ်ခေါက် (၂)

ဖရာ့သက်လွမ် စေတီ ပရ၀ုဏ် ၀င်းအတွင်း ကျောက်စာ လေးချပ်မျှ ကိုသာ တွေ့ရပြီး သဲကျောက်ပေါ်တွင် ထွင်းထု ထားခြင်း ဖြစ်ပါတယ်။ ရှေးခေတ် လာအို စာပေ အရေးအသားနှင့် ကျောက်စာ များမှာ ဖတ်လို့ မရ နိုင်လောက်အောင် ကျောက်သား ပြုန်းတီး မှုများ ဖြစ်ပေါ် နေသော်လည်း ရှေးခေတ် မြန်မာစာပေ အရေး အသား နှင့် ကျောက်စာ နှစ်ချပ် မှာမူ သက်တမ်း ပိုရင့်သော ကျောက်သားပေါ်တွင် ထွင်းထု ထားသောကြောင့် ဘုရားဧ။် ဘွဲ့တော်မှာ မြန်မာ ဘာသာဖြင့် လောက စူဠာမဏိ ဟု အမည်တွင်ကြောင်း ဖတ်ရှု သိရှိ ခဲ့ရပါတယ်။

ဘုရား စောင်းတန်း ပတ်လည်တွင် ဈေးသည်များ မရှိဘဲ ရှေးဟောင်း ရုပ်တု အကျိုး အပဲ့များ ကိုသာ တွေ့ရ ပါတယ်။ စေတီ ပရ၀ုဏ် အပြင်ဘက် မှာတော့ ဈေးတန်းလေး ရှိပြီး လာအို နိုင်ငံထွက် ပြည်တွင်းဖြစ် လက် ယက် ပုဝါ တဘက် ထမီ စသည်များကို ဈေးဝယ်တတ်လျှင် (ထိုင်းလို မပြောဘဲ အင်္ဂလိပ်လို သို့မဟုတ် လာအို ဘာသာစကားဖြင့် ၀ယ်သော်) ထိုင်းထက် ခေါက်ချိုး သက်သာသော ဈေးဖြင့် ၀ယ်ယူ နိုင်ပါသည်။ လာအို စကားနဲ့ ထိုင်းစကားဟာ တကယ်တော့ အထက် အညာက ပြောတဲ့ မြန်မာ စကားနဲ့ အောက်ပြည် အောက်ရွာ က ပြောတဲ့ မြန်မာ စကား လောက်သာ ကွာတာပါ။ အားစိုက် နားထောင်ရင် နားလည် နိုင်ပါတယ်။ စကားလုံး အသုံးအနှုံးနဲ့ လေယူလေသိမ်း နည်းနည်း ကွာတာပဲ ရှိပါတယ်။ ငွေထည်ကိုသာ တမြတ်တနိုး ရိုးရာ အဖြစ် တန်ဖိုးထား ၀တ်ဆင်သော လာအိုတို့ကြောင့် ငွေထည် လက်ဝတ် ရတနာ မျိုးစုံကို တွေ့နိုင်ပါတယ်။ တရုတ် နိုင်ငံမှ တင်သွင်း လာတဲ့ အခြား ပစ္စည်း များကိုလည်း ထို ဆိုင်တန်း များတွင် တွေ့နိုင် ပါသည်။

ဘုရားဖူးလို့ ပြီးတော့ နေလည်းစောင်းပြီမို့ မနီးမဝေးက မဲခေါင် မြစ်ကမ်းကို လမ်းလျှောက်ခဲ့ ပါတယ်။ လမ်းမှာ သမတ အိမ်တော်နဲ့ ဟိုတယ် တစ်ချို့ကတော့ အတော့်ကိုခမ်းခမ်းနားနား တွေ့ရပါတယ်။ မဲခေါင် မြစ်ကမ်း နဖူး ကတော့ အင်းလျားကန်ဘောင် ကို အလွမ်းပြေစရာ တူလှ ပါတယ်။ ဆိုင်တွေ တန်းစီ နေပြီး အများဆုံး တွေ့ရ တာ အသားကင် ဆိုင်တွေပါ။ ကောက်ညှင်းကို ထမင်းလို စားတာ တွေ့ရပါတယ်။ ကောက်ညှင်းပေါင်းနဲ့ အ သားကင်ကို နေရာတိုင်းမှာ တွေ့ရတာ လာအို ထုံးစံ ပါလားလို့ ကောက်ချက် ချယူ ရပါတယ်။ အဲ… အသား ကင် ဆိုလို့ အမဲ၊ ၀က်၊ ကြက်နဲ့ ငါးခူကင်ပဲ ရှိတာပါ။ အကင် တွေက ထိုင်းက အကင်ထက် အရသာ ပိုရှိ ပါ တယ်။ အသားတွေ လတ်ဆတ်လို့ ချိုတဲ့ အရသာကို ခံစား ရပါတယ်။ ထိုင်းမှာလို အဆာပလာ တွေကြောင့် ချိုပြီး လျှာပေါ်မှာ ပူကျန် ခဲ့တဲ့ အရသာ ရှိနည်းမျိုး မဟုတ်ပါဘူး။ ပုစွန်တော့ တအားကို ရှားပါတယ်။ ထိုင်းကနေ သွင်းတဲ့ ရေဘ၀ဲနဲ့ ခရု ကိုလဲ နည်းနည်း ပါးပါး တွေ့ရပါတယ်။


ကဲ … ငါလာပြီ မဲခေါင်ရေ လို့ ကြုံးဝါးရင်း မြစ်ထဲ ဆင်းခဲ့ပါတယ်။ (ရေနည်းနေလို့ သဲသောင်ပြင်ကြီးက တမျှော် တခေါ်ပါပဲ ဟဲဟဲ. ညောင်ဦးဖီးလို ရေဆင်း ကူးတာ မဟုတ်ဘူးနော်)။ သဲသောင်ပြင်က အိုလံပစ် ဘောလုံးကွင်း ငါးကွင်းစာ လောက်ကို မြစ်ကြော တလျှောက် ကျယ်နေ တာပါ။ ရေစီးကြောင်းက မြစ်ရဲ့ ငါးပုံ တစ်ပုံလောက်ပဲ စီးနေ ပါတယ်။ သဲသောင်ပြင်က သဲဖြူလွ တွေက နင်းလို့ ကောင်းလွန်းလို့ ရေရှိတဲ့ နေရာ အထိကို ဖိနပ်ချွတ်ပြီး လမ်းလျှောက် ပါတယ်။ အားပါးပါး … အဝေးကြီး လမ်းလျှောက် လာလို့ ခြေဖ၀ါးတွေ ပူပြီး ညောင်းနေတာ သက်သာ သွားတာပဲ..


မဲခေါင်မြစ်ဟာ နဂါးရှိတယ်လို့ နာမည်ကြီးပြီး Dragon tour ဆိုပြီး နဂါးကို လာစောင့် ချောင်းတဲ့ ခရီးသွား လုပ်ငန်းတောင် ရှိပါတယ်။ တခါကတော့ ညဘက် မီးပွားတွေ မြစ်ကြောင်းတလျှောက် မြစ်ထဲ ပေါ်လာလို့ ဆိုတဲ့ သတင်းက မီဒီယာတွေကို သို့လော သို့လော ဂယက် ရိုက်စေ ဖူးပါတယ်။ မျက်မြင်လို့ ပါးစပ်နဲ့ ပြော ကြတဲ့ လူတွေ ရှိပေမယ့် သက်သေ ဓာတ်ပုံ မပြနိုင်လို့ ခုထိ မဲခေါင် နဂါးဟာ ဒဏ္ဍာရီ ဘ၀က မတက် နိုင်သေး ပါဘူး။

မဲခေါင် မြစ်ထဲကနေ လထွက်လာတာကို စောင့်ကြည့်… တကယ့်ကို သာယာ ကြည်နူး စရာ တသက်မမေ့မယ့် မြင်ကွင်းပါ။ ဟိုဘက် ကမ်းက ထိုင်း၊ ဒီဘက်ကမ်းက လာအိုပေါ့…. ကမ္ဘာ့ တတိယ နိုင်ငံ စာရင်းဝင် လာအို နိုင်ငံရဲ့ ဗီယန်ကျန်း မြို့ရဲ့ ညအလှကို မဲခေါင် မြစ်ထဲ ကနေ ဓာတ်ပုံ လှမ်းရိုက်ရင်း တအား ၀မ်းနည်း သွားပါ တယ်။ ရန်ကုန်မြစ်ထဲကနေ ရန်ကုန်မြို့ရဲ့ ညအလှကို ဓာတ်ပုံ ရိုက်မိရင် ဘယ်လို နေမလဲ လို့ တွေးမိ လို့ပါ။



ဓာတ်ပုံရိုက်ပြီး ကမ်းပေါ် ပြန်အတက်… စစ်သားတွေ တပ်စိတ် တစိတ်စာနဲ့ ပက်ပင်း တိုးပါတယ်။ သူတို့က ဘာတွေ ပြောမှန်းမသိ။ လန့်က လန့်သေး… မြစ်ပြင် ကျယ်ကြီးက သဲသောင် ပေါ်မှာ ကိုယ်တစ်ယောက်တည်း မိန်းမလေ။ ၀တ်စုံတွေက ကွန်မြူနစ် တံဆိပ်နဲ့ စစ်ဝတ်စုံ တွေပါ။ ကိုယ့်ထက် ထိုင်းစကား လည်ဝယ်တဲ့ မောင် တော် ဘုရားက ခေါင်းငြိမ့်ရင်း အိုကေလို့ ပြောပြီး ကမ်းပေါ် ရောက်မှ မေးကြည့်တော့.. လုယက်တာ ဖြစ်မှာ စိုးလို့ ကင်းလှည့်တဲ့ ကင်းအဖွဲ့ ဖြစ်ကြောင်းနဲ့ နောက်ကို ဒီလို ညမှောင်ထိ မနေဖို့ သတိပေး တာလို့ ပြောပါ တယ်။ ဒီလို ဆိုတော့လဲ အဟောဝတ ကောင်းလေစွ ပေါ့။ ကမ်းနဖူးက ဆိုင်မှာပဲ အမေရိကန် ထမင်းကြော်ကို အ၀လွေး ပါတယ်။ တစ်ပွဲကို ကစ် သုံးသောင်းပါ။ မဲခေါင် မြစ်ထဲက သဲသောင်ပြင်ပေါ် အသွားအပြန် ဘောလုံး ကွင်း ဆယ်ကွင်းစာလောက် လမ်းလျှောက် လာတော့ ဟဲဟဲ.. တစ်ပန်းကန်နဲ့ ဘယ် ဗိုက်ဝ မလဲနော်…

ဟိုတယ်ကို အပြန်လမ်းက လက်ရှိ နေရာကနေ ဝေးပါ သေးတယ်။ လမ်းမီး အားလုံး ထွန်းထားလို့ လင်းထိန် နေပေမယ့် တောမြို့ လောက်ကို လူနည်းတဲ့ ဗီယန်ကျန်းမို့ ညနေ ၇နာရီဆို လမ်းပေါ် လူပြတ် နေပါပြီ။ ဒါနဲ့ အငှားကား တားပါတယ်။ တကယ်တော့ လမ်းလျှောက်တာ များလို့ ခြေဖ၀ါးတွေလဲ ကျိန်းနေပါပြီ။ ဈေးဆစ်ပုံ ပြောပါဦးမယ် အဟိ.. ကစ်လေးသောင်း ပါတဲ့.. ကားငှားခ များတယ်လို့ ဈေးလျှော့။ နှစ်သောင်းခွဲ ပေးမယ် ဆိုတော့ တားတဲ့ နေရာ ကနေ ဟိုတယ်ထိ ငါးကီလိုမီတာ ဝေးတယ်တဲ့.. ဒါကြောင့် မလျှော့ဘူးတဲ့လေ။ ဒီ လောက် အဝေးကြီးကို ငါ ဘယ်လိုများ လျှောက်ခဲ့ ပါလိမ့်လို့ တွေးရင်း ဟန်ကိုယ့်ဖို့နဲ့ “ငါမြန်မာနော်” လို့၊ “မြန်မာပြည် ကနေ ထိုင်းထိ ခြေကျင် လာပြီး စစ်တိုက်တာ သမိုင်းမှာ ကြားဖူးတယ် မဟုတ်လား” လို့။ “နှစ် သောင်းခွဲ မရရင် ငါ ခြေကျင် ပြန်မှာ” လို့လဲ ပြောလိုက်ရော.. မောင်မင်းကြီးသား ခမျာ ဆူးပုပ် ရွက် လောက် မျက်နှာလေးနဲ့ လိုက်ပို့ ပါမယ် ဆိုပြီး နှစ်သောင်းခွဲကို ထပ် ဈေးမညှိ ရဘဲ ပို့ရှာ ပါတယ်. ခွိခွိ… သြော် ဘိုးဘေး တို့ရေ.. ခုချိန်ထိ သမိုင်း ကြောင်း က လူရှိန်ဆဲပါ။ ကျွန်မတို့ ခေတ် ရောက်ခါမှ ညံ့ရမယ့် အဖြစ်ကို အတတ်နိုင်ဆုံး ကြိုးစားပြီး အဖတ် ဆယ် ပါ့မယ်။

အဲဒီညက ညောင်းလွန်းလို့ အိပ်လို့ ကောင်းမှကောင်းပါ။ နောက်နေ့ မနက် စောစောထ၊ လာအို မနက်စာ အ၀စား (ခရမ်းချဉ်သီး ထောင်း၊ မျှစ်ထောင်း၊ ထမင်းပူနဲ့ ဟင်းနုနွယ်ညွှန့် အတို့အမြှုပ်)၊ လမ်းလျှောက်ရင်း မြို့ကို ပတ်ပါတယ်။ မနုသီဟ ဖင်နှစ်ခွ ဆိုတဲ့ လူခေါင်းနဲ့ ခြင်္သေ့ ဖင်နှစ်ခွ ရုပ်ကိုသာ မြင်ဖူးတဲ့ ကျွန်မ၊ ခုတော့ နဂါး ဖင်နှစ်ခွ မုခ်ဦးကို ခုလို အမိအရ ဓာတ်ပုံ ရိုက်ယူ ခဲ့ပါတယ်။


လမ်းဘေး ၀ဲယာက လာအို ဗိသုကာ လက်ရာနဲ့ ဘုန်းတော်ကြီးကျောင်းများ၊ ပြီးတော့ လာအိုရဲ့ landmark ဖြစ်တဲ့ ပတူဇေ ခေါ် ဇေ လို့ နာမည်ရတဲ့ မုခ်ဦး တံခါးကြီး


ပြင်သစ် ကိုလိုနီ ဖြစ်ခဲ့ ဖူးတဲ့ နိုင်ငံမို့ အစိုးရ ဆိုင်ရာ ၀န်ကြီး ဌာနနဲ့ ကျောင်းများ၊ ရုံးများရဲ့ မုခ်ဦးမှာ လာအို၊ ပြင်သစ် နှစ်ဘာသာနဲ့ အမည်နာမ ရေးထိုး ထားပါတယ်။


ချိုင့်ခွက်၊ ကျင်း၊ လမ်းသား ပွခြင်း မရှိဘဲ သန့်ရှင်း ပျံ့ပြူး သပ်ရပ် လှတဲ့ ဗီယန်ကျန်း မြို့လယ် လမ်းမ များ


ကားစုတ်၊ ကားဟောင်း လုံးဝ မရှိတဲ့ ဗီယန်ကျန်းမြို့ နေ့လယ် ရှုခင်း


အဲအဲ.. အဲလို ပြောရင် မျက်နှာ လိုက်ရာ၊ မရိုးမသား သတင်း ထိမ်ချန်ရာ ကျနေ ပါ့မယ်။ သွားလည်တဲ့ သုံးရက် အတွင်း ဟိုင်းလတ် ကားစုတ် နှစ်စီးကို လမ်းကြားထဲက အိမ်တွင်း အလုပ်ရုံ ရှေ့မှာ ရပ်ထားတာ တွေ့ခဲ့ပါ တယ်။ ပလတ်စတစ်စုတ်၊ စက္ကူစုတ် လည်ကောက်တဲ့ ကားပါ။ local recycling အိမ်တွင်း အလုပ်ရုံသုံး အမှိုက် ကောက် ကားများ ဖြစ်ပါတယ်။ သူများ တတိယ နိုင်ငံက အမှိုက်ကောက် တာတောင် ဟိုင်းလပ် အစုတ် လေး နဲ့ အမှိုက်ကောက် ပါတယ်နော်။ (မှတ်ချက်။ မြူနီစီပယ် အမှိုက်သိမ်းကား မဟုတ်ပါ။) အင်တာနက်ဆိုင်များ လမ်းဘေးမှာ တွေ့လို့ ၀င်သုံးလိုက်တော့ တချက် စိတ်ပျက် မိပေမယ့် ဖျတ်ခနဲ စိတ်သက်သာရာ ရလိုက် ပါ တယ်။ တတိယ နိုင်ငံ ပီပီ အင်တာနက် နှေးတာကတော့ မြန်မာ နိုင်ငံ အတိုင်း ပါပဲ။ တခြား နေရာတွေ မြန်မာ နိုင်ငံထက် သာနေလို့ စိတ်ဆင်းရဲ နေချိန်မှာ ကွန်မြူနစ် စနစ် ကျင့်သုံး တဲ့ နိုင်ငံမို့ သတင်းနဲ့ ဆက်သွယ်ရေး ထိန်းချုပ်တာ ချင်းကျ မြန်မာနိုင်ငံနဲ့ တန်းတူ လိုက် သွားပါတယ်။

နေ့လယ် ထိုင်းသံရုံးကနေ ဗီဇာ ရလို့ ပတ်စ်ပို့ ပြန်ထုတ်ချိန်မှာ ကိုယ့်ပတ်စ်ပို့ ကိုယ်ယူပြီး ထပ်လျှောက်လည်.. နောက်နေ့မှာ လာရာ လမ်း အ တိုင်း ထိုင်းကို ပြန်ခဲ့ပါတယ်။ ဗီယန်ကျန်း မြို့လယ် ကားဂိတ်ကနေ နယ်စပ်ကျော် ဘတ်စ်ကား စီးရင်း နယ်စပ်ဂိတ်တွေကို ဖြတ်ရင်းနဲ့.... နေရစ်တော့ မဲခေါင်ရေ...


နှုတ်ဆက်ခဲ့ပါတယ် နောင်ခိုင်ရေ


ဘန်ကောက်မှာ လာကြိုနေတဲ့ သူငယ်ချင်း လေးက သူ့နိုင်ငံ ဖြစ်တဲ့ ကမ္ဗော ဒီးယားက သူ့မြို့ ဖြစ်တဲ့ စီယမ်ရိဖ် မြို့လေးကို လိုက်လည် ပါလားတဲ့။ ကမ္ဘာကျော် အန်ကောဝပ် ဘုရား ကျောင်း နဲ့ ဒဏ္ဍာရီ ဆန်ဆန် ရေအောက်ကို နစ်မြုပ် သွားခဲ့ပြီး ယနေ့တိုင် တည်ရှိ နေဆဲ ရှေးဟောင်း မြို့တော် ရှိရာ စီယမ်ရိဖ် မြို့ကို စရိတ်ငြိမ်း အလည် ခေါ်တော့ ငြင်းလို့ ကောင်းမလားနော် … ဘော်ဘော် တို့ရေ… အလည် လိုက်မယ် မို့လား… Virtual tour နဲ့လေ …

လာအိုနိုင်ငံ ဗီယန်ကျန်းမြို့ သို့ အလည်တစ်ခေါက် (၁)

လောဝ်ရှမ်းတို့ ဌာနေ

လန်ဇန် လို့ ရှေးအခါက မင်းနေပြည် အဖြစ် အမည်တွင်ခဲ့ ဖူးပြီး ဆင်သန်းပေါင်း များစွာ ရှိတဲ့ မြေလို့ အဓိပ္ပာယ် ရတဲ့ လာအို နိုင်ငံရဲ့ မြို့တော် ဗီယန်ကျန်းမြို့ကို ထိုင်းနိုင်ငံရောက် ရွှေ တော်တော် များများ တိုင်ပတ် ဖူးကြ ပါလိမ့်မယ်။ အားလုံး တညီ တညွတ်တည်း ငြီးတာ က တော့ ဈေးကြီးတယ်တဲ့။ ထိုင်းထက်ကို အစစ အရာရာ ရှားပါး ဈေးကြီး ပါသတဲ့။

ဘန်ကောက်ကနေ မီးရထားနဲ့ ပေါ့ပေါ့ပါးပါး ရှုခင်း ငေးရင်း၊ ညောင်းလာရင် ရထား တွဲထဲ လမ်းထ လျှောက်ရင်း သက်သက်သာသာ စီးလာ လိုက်တာ ညရထားစီးရင် မနက်ကို လာအို- ထိုင်း နယ်စပ်မြို့ ဖြစ်တဲ့ နောင်ခိုင်ကို ရောက်ပါတယ်။ နောင်ခိုင်မြို့လေးဟာ နယ်စပ်မြို့ ဖြစ် ပေမယ့် ထိုင်း-မြန်မာ နယ်စပ် မြို့တွေလို ရှုပ်ထွေးမှု ရှိမနေဘဲ အေးချမ်း တိတ်ဆိတ် လှပါ တယ်။ ဘဏ်များ ရှိပေမယ့် ဘယ်သူမှ ငွေသိပ် မလဲလို့လား မသိ။ ဒေါ်လာနဲ့ ဘတ် လဲလှယ် ဖို့ ရှိသမျှ ဘဏ် အားလုံးကို သွားခဲ့ ပေမယ့် မရှိလို့ မှောင်ခိုက လဲခဲ့ရ ပါတယ်။ မြို့လေးက သပ်ရပ်သလို မြို့တွင်းရှိ လူများကလဲ ရိုးသား အေးဆေး ကြပြီး နိုင်ငံခြားသားမို့ ဈေးပိုတင် ခြင်း၊ ကလိန်ကျခြင်းလဲ မလုပ်ကြတာ စိတ်ချမ်းသာ စရာပါ။ ဘူတာကနေ နယ်စပ်ဂိတ်ကို တုတ်တုတ်ခေါ် သုံးဘီးကား စီးတာ ဘတ် ၃၀ပဲ ပေးရပါတယ်။ နယ်စပ်ဂိတ် ရောက်တော့ တန်းစီ နယ်စပ်ဖြတ်ပေါ့။ ထွေထွေထူးထူး မရှိပေါင်။ ထိုင်းဂိတ်ကနေ လာအိုဂိတ်ကို သွားဖို့ ဘတ်စ်ကား စီးတော့လဲ လူတစ်ယောက် ဘတ် ၃၀ပါပဲ။ လာအိုဂိတ် မှာလဲ ဘာမှ ထွေထွေ ထူးထူး ရစ်ခြင်း၊ ပွဲစား ရှုပ်ခြင်း မရှိဘဲ အေးအေးချမ်းချမ်း ဗီဇာ ရလာပါရော။ ထိုင်း တစ်ဘတ် ကို လာအို ကစ် ၂၈၅ (ငွေဈေး အပြောင်းအလဲ ရှိနိုင်သည်) နဲ့ နယ်စပ်ဂိတ်မှာ ကတည်းက လဲလှယ် နိုင်ပါတယ်။

လာအို နယ်စပ် ဂိတ် ကနေ ဗီယန်ကျန်း မြို့ထဲက တည်းခိုရာ ဟိုတယ် (ကြိုက်ရာ ဟိုတယ်) ထိ taxi ကားခ ဘတ် ၃၀၀၊ ဘတ်စ်ကား စီးရင် နယ်စပ်ဂိတ်ကနေ ဗီယန်ကျန်း မြို့လယ် ကားဂိတ်ထိ ဘတ်စ် ကားခ ၅၅ဘတ် ပေးရပါတယ်။

လာအို နယ်စပ်ဂိတ်က ဓာတ်ပုံများ


လမ်းမှာတော့ ကမ္ဘာကျော် မဲခေါင် မြစ်ကြီးက ရေစီးသန်သန်နဲ့ စီးဆင်းလို့… လမ်းဘေး ၀ဲယာ က ရှုခင်းကတော့ ထိုင်းနိုင်ငံက နယ်မြို့လေးတွေ လိုပါပဲ။ သိပ် ခမ်းခမ်း နားနားကြီး မဟုတ် နေဘူး။

ကမ္ဘာကျော် မဲခေါင်မြစ်



ရောက်ရောက်ချင်း ထိုင်းသံရုံးမှာ ဗီဇာ ပြန်လျှောက် ပါတယ်။ ဗီဇာကို မနက် ၁၁ နာရီ မထိုး ခင်ထိ လျှောက်လွှာ လက်ခံပြီး ပွဲစား မလိုပါဘူး။ ဒါပေမယ့် တချို့ မလည်ရှုပ် လာအို တွေက ပွဲခ တောင်းပြီး လျှောက်ပေး မယ်လို့ ဆွယ်တတ် ပါတယ်။ လျှောက်လွှာတင်ပြီး ထမင်းစား ထွက်နိုင် ပါပြီ။ ဆိုင် မရှာတတ် လို့ကတော့ လမ်းဘေးက သာမန် ထမင်းဆိုင် မှာ ထိုင်စားရင် အနည်းဆုံး လာအို ကစ် တစ်သောင်းခွဲ ကနေ အများဆုံး ခြောက်သောင်းခန့် အထိ ကုန်ကျ နိုင်ပါတယ်။ ခပ်သန့်သန့် ဆိုင် ဆိုရင် တနပ်စာကို ဘတ် ၆၀၀ ထိ ရိတ်တာ ခံရဖူးသူ ရှိပါတယ်။

စားသောက်ပြီးတော့ ရေသန့် တဗူး ၀ယ်ပါတယ်။ လာအိုတွေ အားလုံး လိုလို ထိုင်းစကား ပြောလို့ ရပါတယ်။ ထိုင်းလိုပြောပြီး ၀ယ်မိတော့ တလီတာဝင် ရေသန့် တဗူးကို လေးထောင် ပေးရပါတယ်။ တစ်ရက်ကို ရေ လေးလီတာလောက် သောက်တတ်တဲ့ ကိုယ့်အတွက် ရေသန့် တဗူးက တစ်နာရီ သာသာပဲ ခံတာမို့ မြို့ထဲ လျှောက်လည်ရင်း နောက်တနေရာမှာ ရေထပ် ၀ယ်ပါတယ်။ အင်္ဂလိပ်လို ပြောပြီး ၀ယ်တော့ စောစောက တံဆိပ်နဲ့ တလီတာဝင် ရေသန့် တဗူးကို နှစ်ထောင်ပါ။ ဒါနဲ့ မြို့သား တောရောက် မအူမလည်နဲ့ ဆက်လျှောက်ပေါ့.. နောက် တစ်နေရာမှာ ရေသန့် ထပ်ဝယ်တော့ တဗူးယူပြီး ဘာမှ မပြောဘဲ တစ်သောင်းတန် တစ်ရွက် ထုတ်ပေးလိုက်တော့ ကိုးထောင် ပြန်အမ်းပါတယ်။ ဒီတော့မှ ဇာတ်ရည် လည်ပါတော့တယ်။ ငါ ထိုင်းလို ပြောမိလို့ ငါ့ဆီက မြဘုရားဖိုး ပြန်ယူ လိုက်တာ ပါလားလို့…

သေချာ ရှင်းပြ ပါ့မယ်။ မသိသေး သူများ အတွက်ပါ။ သိပြီးသား သူများ စာပိုဒ် ကျော်ဖတ် နိုင် ပါတယ်။ လာအို လူမျိုးတွေက ထိုင်းကို အသေ မုန်းပါတယ်။ ထိုင်းဟာ အတိတ်က လာအို နိုင်ငံ ကို တိုက်ခိုက် သိမ်းပိုက် ပြီး လာအို နိုင်ငံရဲ့ ရှေးဟောင်း မြို့တော် လွမ်ပရာဘမ်က မြ ဘုရားကို ထိုင်းနိုင်ငံကို ပင့် ဆောင် လာပါတယ်။ တကယ်တော့ ဒီမြဘုရားဟာ အနော်ရထာ ဘုရင်ကို သီဟိုဠ် ဘုရင်က လက်ဆောင် ဆက်သ ထားပြီး ပုဂံကို အပို့ လမ်းမှာ မုန်တိုင်း မိပြီး ထိုင်းကမ်းခြေမှာ သင်္ဘော ဆိုက်တော့ ပို့ခိုင်းသူများက ကြောက်ပြီး ဆက်မပို့ ရဲတော့လို့ ကုန်းလမ်း ကနေ လာအို နိုင်ငံကို ရောက်သွားခဲ့ပြီး လာအို ဘုရင်က တမြတ်တနိုး ကိုးကွယ် ထားတဲ့ ဆင်းတုတော်ပါ။ ဒီအကြောင်းကို သီဟိုဠ် ဘုရင်က သိတော့ အနော်ရထာ ဘုရင်ထံ အကြောင်းကြား လာပါ တယ်။ နှစ်နိုင်ငံ လုံးက ဘုရင် တွေနဲ့ မိတ်မပျက် ချင်တဲ့ အနော် ရထာ ဘုရင်က သီဟိုဠ် ဘုရင်ကိုပါ ဖိတ်ခေါ်ပြီး မြဘုရားကို လာအို ဘုရင်ထံ ရေစက်ချ လှူဒါန်း ခဲ့ ပါတယ်။ အနော်ရထာ ဘုရင် ဆီက မျက်နှာသာ ရလိုမှု ကိုသာ အဓိက ထားတဲ့ သီဟိုဠ် ဘုရင် ဟာ ခုလို အနော်ရထာ ဘုရင်နဲ့ အတူ အလှူရှင် အဖြစ် ရေစက် ချခွင့် ရတဲ့ အတွက် ကျေနပ် သလို စစ်တိုက်ပြီး ဖြစ်စေ၊ သံတမန် လွှတ်ပြီး ဖြစ်စေ ပြန်ယူရင် အဲဒီ ခေတ်က အင်အားကြီးတဲ့ အနော်ရထာ ဘုရင်ကို မြဘုရား ပြန်ပေးရမှာ သေချာ နေပေမယ့် ပြည်သူတွေရဲ့ သဒ္ဒါတရား ကို ခုလို အသိအမှတ်ပြု လေးစားစွာ ရေစက်ချ လှူပေးတဲ့ အတွက် လာအို ဘုရင်ကလဲ အနော် ရထာ မင်းမြတ်ကို ပိုကြည်ညို လေးစား ခဲ့တယ်လို့ သမိုင်းက ဆိုပါတယ်။ ဒီလို သမိုင်း ကြောင်း ကြီးတဲ့ မြဘုရား ကိုမှ ထိုင်းက လာအို နိုင်ငံကနေ တိုက်ခိုက် သိမ်းပိုက် ယူခဲ့ ပါတယ်။ ဒါ့အပြင် ထိုင်းနိုင်ငံ နယ်နမိတ် ထဲက စီယံ ပြည်နယ် ကြီးဟာ အရင်က လာအို ပိုင်တာပါ။ ပြင်သစ် ကိုလိုနီ အောက် လာအို နိုင်ငံ ကျရောက်နေစဉ် ထိုင်းက ပြင်သစ်နဲ့ တည့်အောင် ပေါင်းပြီး စီယံ နယ်ကို ထိုင်းနယ်နမိတ်ထဲ ထည့်လိုက် ပါတယ်တဲ့။ ဒါကြောင့် လာအို လူမျိုး တွေ ဟာ ထိုင်းကို မုန်းသလို ထိုင်းနိုင်ငံထဲ ရောက်နေတဲ့ လာအို လူမျိုးတွေ (အထူးသဖြင့် စီယံ နယ်ထဲက လာအိုတွေကို ထိုင်းက အိစံလို့ ခေါ်ပါတယ်) ဟာလဲ ထိုင်းနိုင်ငံထဲမှာ မကြာ ခဏ ပြသနာ ရှာပါတယ်။ ဒါကြောင့် အိစံတွေဟာ ထိုင်းနိုင်ငံ ထဲမှာ နာမည်ဆိုးနဲ့ နာမည်ကြီး ပါတယ်။ လာအို နိုင်ငံထဲမှာ ထိုင်းလို ပြောပြီး ဈေးဝယ်ရင် ပိုဈေး ပြောလို့ သတိထားရ ပါတယ်။ အဆင်မပြေဖို့ ပိုများ ပါတယ်။

ဗီယန်ကျန်းမြို့လေးက တကယ်တော့ သေးသေးလေးပါ။ မြို့ထဲကို မြေပုံ တစ်ချပ်နဲ့ အတူ ခြေကျင် ပတ်ပါတယ်။ သူတို့နိုင်ငံရဲ့ national emblem ထဲမှာတောင် ပါတဲ့ လာအိုရဲ့ ရွှေတိဂုံ ကတော့ ဖရာ့ သက်လွမ် စေတီ ဖြစ်ပါတယ်။ အဲဒီ စေတီ ပရ၀ုဏ် ထဲမှာ မြန်မာ ဘာသာနဲ့ ရေးထွင်း ထားတဲ့ ရှေးဟောင်း ကျောက်စာ နှစ်ချပ်ကို ပုဂံ ခေတ်က စာအရေး အသားနဲ့ ဖတ်ခဲ့ ရပါတယ်။ (ဆယ်တန်းတုန်းက အက္ခရာ အရေးအသား သင်ခန်းစာကို မှတ်မိတာ အဖိုးတန် သွားပါတယ်။)

ဖရာ့သက်လွမ် စေတီတော်? သူ့ပရ၀ုဏ်ထဲက လာအို ဗိသုကာ လက်ရာ ဘုရားကျောင်းဆောင်နဲ့ မြန်မာ ကျောက်စာများ

နေပြည်တော်

“ဟုတ်ကဲ့ ...... ကားဂိတ်ကပါ”
“ အော် အမရေ ကျွန်တော် ကားလက်မှတ်ဝယ်ချင်လို့ပါ… ဒီနေ့ညနေထွက်မယ့် ကား လက်မှတ် ရှိလား”
“မကျန်တော့ပါဘူး..”
“အလယ်ခုံကော..”
“မရှိတော့ပါဘူး”
~~~~~~~~~~
“အော် အကိုရေ ကားလက်မှတ်ဖြတ်ချင်လို့ပါ”
“မရှိတော့ပါဘူး…”
“………”
“မကျန်တော့ပါဘူး”
“…….”

~~~~~~~~~~~
“ဟူးးးးးးးးးးး”
အမှန်ကျွန်တော် အဲ့ဒိနေ့ ညနေကားနဲ့ထွက်ရင် အဆင်ပြေမယ်ထင်လို့ ဖုန်းနဲ့လိုက်စုံစမ်းခြင်းဖြစ်ပါတယ်။ နောက်တော့ ဘယ်လိုမှ မရတဲ့အဆုံး နောက်တနေ့ လက်မှတ်ကို စုံစမ်းရပါတယ်။ နေပြည်တော် ကားဂိတ်တွေက လူစီးများလို့လား တော့ မသိပါဘူး။ တော်တော်ဝယ်ရ ခက်ပါတယ်။ ပြီးတော့ ဖုန်းနဲ့လဲ ဘွတ်ကင် လုပ်လို့ မရဘူး။ နောက်ဆုံးတော့ ကျွန်တော် နောက်နေ့ထွက်မယ့် ကားကို အလယ်ခုံနဲ့ ဖြစ်သလို ၀ယ်လိုက်ပါတယ်။ နောက်တနေ့တော့ ရန်ကုန်ကနေ ည၇နာရီ ခွဲ စထွက်ပါတယ်။ ကား အခြေအနေကို ကြည့်လိုက်တော့ အဲကွန်း မပါပါဘူး။ ပြတင်းပေါက်နဲ့ သဘာဝ လေကိုသာ အားကိုး ရမယ့် ပုံပါ။ ဒါပေမယ့် တီဗွီလေးတော့ ပါပါသေးတယ်။ ခရီးသည်ကတော့ ဘေးခုံတင် မကပါဘူး အလယ် ခုံတန်းတွေပါ အားလုံး အပြည့်ပါပဲ။ အင်း ကိစ္စရှိလို့သာ သွားရတယ် အလယ်ခုံနဲ့က မစားသာ ပါဘူး ခြေဆန့် လက်ဆန့်လဲ လုပ်လို့ မရတဲ့အပြင် နောက်မှီလို့လဲ မရပါဘူး ထိုင်ခုံတွေက ကျောမှီရုံလောက်လေး လုပ်ထားတာပါ။

ကျွန်တော်ထိုင်သော အလယ်ထိုင်ခုံက နောက်ဆုံးခုံပါ။ ကံကောင်းချင်တော့ ကျွန်တော့် အလယ်ခုံဘေးက ဘေးခုံမှာ လူတစ်ဦးစာ လွတ်နေပါတယ်။ ဒါပေမယ့် လမ်းလူကြုံတင်တတ်တာမို့ ကျွန်တော်လဲ ပဲခူးထိ ဒီတိုင်း စီးခဲ့ပါတယ်။ ကားပေါ်က ဖွင့်တဲ့ သီချင်းလေး နားထောင်ရင်းနဲ့ပေါ့။ ပဲခူးလောက်ရောက်တော့ လူအတက် မရှိတော့ တာကြောင့် ကျွန်တော်လဲ စပယ်ယာကို ခေါ်ပြီး ဒီဘေးခုံမှာ လူရှိမရှိ မေးလိုက်ပါတယ်။ ဘေးခုံက ခရီးသည်က ၀ယ်ထားပြီးမှ မသွားဖြစ်ပုံပါပဲ။ စပယ်ယာက ကျွန်တော့်ကို လွတ်ရင် ၀င်ထိုင်နိုင်ကြောင်း ပြောလိုက်တော့ ကျွန်တော်လဲ ၀မ်းသာအားရ ဘေးခုံမှာ ထိုင်လိုက်ပါတယ်။ ခုမှ နဲနဲ နောက်မှီလေးနဲ့ သက်သောင့် သက်သာ ရှိသွားတာပေါ့။ သက်သောင့် သက်သာ ရှိသွားပြီမို့ ကျွန်တော်လဲ အေးဆေးစွာ အိပ်စက် ပါတော့တယ်။ :) ကျွန်တော် အိပ်ပြီး မကြာပါဘူး။ ည၁၁နာရီခွဲလောက်မှာ လမ်းခရီးမှာ ရပ်ပါတယ် (မြို့တော့ အသေအချာ မသိလိုက်ဘူး ဆွာလို့ထင်တယ်) ထမင်းဆိုင်မှာ ရပ်တော့ အပေါ့ အပါးသွား ခြေညောင်းလက်ဆန့်လုပ်ပြီး မိနစ်၂၀ လောက်ကြာတော့ ခရီးဆက်ထွက်ပါတယ်။ ပြတင်းပေါက်တွေဆီက ကားသွားရင်း တိုးလာတဲ့ လေတွေက ကြာတော့ တော်တော် အေးလာပါတယ်။ ဒါပေမယ့် အဲ့ဒိ တံခါးတွေ ပိတ်ထားပြန်တော့ အဲကွန်းမရှိတဲ့ ကားတွေဆိုတော့ ပူလာပြန်ပါရော။ တော်တော် စုတ်တဲ့ ကားတွေဖြစ်ပါတယ်။

ဒီလိုနဲ့ ကျွန်တော် ပြန်အိပ်မောကျသွားလိုက်တာ မနက် ၂နာရီလောက်မှာ စစ်ဆေးရေး ဂိတ်နားရောက်တော့ အောက်ဆင်းပြီး မှတ်ပုံတင် ပြပေးပါဆိုတော့ ကျွန်တော်တို့ ခရီးသည်တွေ အိပ်မှုံစုန်မွှားနဲ့ လမ်းဆင်းလျှောက်ပြီး တန်းစီ၍ မှတ်ပုံတင်ပြရပါတယ်။ ပြီးတော့ ကားပေါ်ပြန်တက်ပြီး အိပ်စက်ခြင်းတွေကို ဒုတိယပိုင်း ပြန်ဆက်ကြတော့တာပေါ့။ အဲဒိက စလို့ အိပ်မောကျသွားလိုက်ပြီး အိပ်ကောင်းတုန်းအချိန် ၃နာရီကျော်ကျော် လောက်ကျတော့ စားသောက်ဆိုင် တစ်ဆိုင်မှာ ရပ်ပြန်ရောဗျာ။ တော်တော် ဇိမ်မကျတဲ့ ခရီးဖြစ်ပါတယ်။ မနက်ဝေလီဝေလင်းကြီး မစားတတ်တဲ့ ကျွန်တော့်မှာ မျက်နှာသစ်ပြီး ငေါင်ဆင်းဆင်းနဲ့ ကားထွက်မယ့် အချိန်ကို ငုတ်တုတ် ထိုင်စောင့် နေရပြန်ပါတယ်။ ဒီတခါတော့ ကားပေါ်ရောက်တာနဲ့ ကျွန်တော် တချိုးတည်း ပြန်အိပ်ပျော်သွားလိုက်တာ မနက် ၅နာရီခွဲ နေပြည်တော် ကားဂိတ် ဆိုက်ကပ်ရာ မြို့မဈေးရောက်မှ နိုးပါတော့တယ်။

ကားပေါ်က ဆင်းတော့ ကျွန်တော် အထုပ်က အထွေအထူး မပါပဲ ကျောပိုးအိတ်လေးသာ ပါတာမို့ လွယ်အိတ်လွယ်ပြီး အောက်ကို ဆင်းမိတာနဲ့ လူအုပ်ကြီးက ကျွန်တော့်ကို ၀ိုင်းမေးတော့တာပါပဲ။ (ဆိုင်ကယ် ကယ်ရီသမားတွေ ဖြစ်ပါတယ်)
“အကို ..ဘယ်သွားမှာလဲ.. လိုက်ပို့ပေးမယ်..”
ဆိုပြီးတော့ ၀ိုင်းအုံမေးကြတာပေါ့ ကျွန်တော်လဲ သွားမယ့် လိပ်စာကိုပြောတော့ ၁၅၀၀ ကျသင့်ပါတယ်တဲ့ ကျွန်တော်လဲ မရောက်ဖူးတဲ့နေရာမို့ ဘယ်လောက်ဝေးလဲ မသိပါဘူး။ ဒါပေမယ့် ကျွန်တော့် ဦးလေးက တစ်ထောင် ထောင့်ငါးရာ အပြင်ပို မပေးရဘူး ဆိုလို့ ဒီဈေး အမှန်ပဲ ထင်ရဲ့ ဆိုပြီး အဆင်ပြေတဲ့ ကယ်ရီသမားနဲ့ လိုက်ခဲ့ပါတော့တယ်။ မြို့မဈေးက စထွက်တော့ ကွန်ကရစ်လမ်းမကြီးတွေကို စတွေ့ရတော့တာပါပဲ။ ကွန်ကရစ်လမ်းမကျယ်ကြီးတွေက ကြီးမားကျယ်ပြန့်ပြီး လမ်းတဘက်တချက်က ကွန်ဒို တိုက်ခန်းတွေက မြို့ပြ ပုံစံ အပြည့်ပါပဲ။ ဆိုင်ကယ်နဲ့ ကျွန်တော် တည်းခိုမယ့် နေရာကို သွားရင်း နံနက်ခင်း နေရောင် ခြည်က ရောင်နီသန်းလာပါတော့တယ်။

ကျွန်တော်က ဆိုင်ကယ်သမားနဲ့ စကား စမြည်ပြောရင်းက သူက ရုံးဝန်ထမ်း တစ်ဦးဖြစ်ကြောင်းပြောပါတယ်။ သူပြောပြချက်အရ နေပြည်တော်ရှိ ဆိုင်ကယ်ကယ်ရီသယ်သူ အများစုမှာ ရုံးဝန်ထမ်းများ ဖြစ်ကြတယ်လို့ သိရပါတယ်။ မလုံလောက်သော လစာအပြင် အပိုလျှံလေးများ ရစေရန် အောက်ဆိုက် အလုပ်လုပ်ကိုင်နေကြခြင်း ဖြစ်၏။ ရုံး မတက်ခင် မနက်ပိုင်းနှင့် ရုံးဆင်းချိန် တို့တွင် လုပ်ကိုင် ကြခြင်း ဖြစ်ပေသည်။ နေပြည်တော်မြို့တော်၏ အဆောက်အဦး တိုင်း သည် မြို့ပြ ပုံစံ အပြည့်ဖြင့် ကွန်ဒို အထပ်တိုက် များပင်ဖြစ်သည်။ ဆိုင်ကယ်သမား များအား တိုက်ခန်း နံပါတ်ပြောလျှင်ပင် သူတို့သည် ဘယ်ကို ပို့ပေးရမည်မှန်း သိကြသည်။ ကျွန်တော် တည်းခိုရမည့် တိုက်ခန်းသို့ ရောက်ပြီး ရေမိုးချိုး နံနက်စာ စား ခေတ္တနားပြီးသည်နှင့် နိုင်ငံခြားရေးရုံး (ရုံးနံပါတ် ၉) သို့ သွားရသည်။ နေပြည်တော်တွင် ရုံးများကို နံပါတ်နှင့် ခေါ်ဆိုခြင်းဖြစ်၏။

ဌာနဆိုင်ရာများ၏ ရုံးနံပါတ်များကို အလျင်းသင့်သလို ဖော်ပြရရင်-

၁။ အမျိုးသား စီမံကိန်းနှင့် စီးပွားရေး ဖွံဖြိုး တိုးတက်မှု ၀န်ကြီးဌာန
၂။ ဆက်သွယ်ရေးစာတိုက်နှင့် ကြေးနန်း ၀န်ကြီးဌာန
၃။ စီးပွားရေးနှင့် ကူးသန်းရောင်း ၀ယ်ရေး ၀န်ကြီးဌာန
၎။ ကျန်းမာရေး ၀န်ကြီးဌာန
၅။ ပို့ဆောင်ရေး ၀န်ကြီးဌာန
၆။ စွမ်းအင် ၀န်ကြီးဌာန
၇။ ပြန်ကြားရေး ၀န်ကြီးဌာန
၈။ မြန်မာနိုင်ငံရဲ တပ်ဖွဲ့
၉။ နိုင်ငံခြားရေး ၀န်ကြီးဌာန
၁၀။ ပြည်ထဲရေးဝန်ကြီးဌာန
၁၁။ ဆောက်လုပ်ရေးဝန်ကြီးဌာန
၁၂။ စာရင်းစစ်ချုပ်ရုံး
၁၃။ ပညာရေးဝန်ကြီးဌာန
၁၄။ နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေး နှင့် စည်ပင်သာယာရေးဝန်ကြီးဌာန
၁၅။ လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန
၁၆။ သမ၀ါယမ ၀န်ကြီးဌာန
၁၇။ ၀န်ထမ်းရွေးချယ်လေ့ကျင့်ရေးအဖွဲ့
၁၈။ နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီရုံး ၀န်ကြီးချုပ်ရုံး
၁၉။ သတ္တုတွင်းဝန်ကြီးဌာန
၂၀။ ကာကွယ်ရေးဝန်ကြီးဌာန
၂၁။ သိပ္ပံနှင့်နည်းပညာဝန်ကြီးဌာန
အလုပ်သမားဝန်ကြီးဌာန
၂၂။ ၂၂
၂၃။ လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန
လူဝင်မှုကြီးကြပ်ရေး နှင့် ပြည်သူ့အင်အားဝန်ကြီးဌာန
၂၄။ တရားရုံးချုပ်
၂၅။ ရှေ့နေချုပ်ရုံး
၂၆။ ဘဏ္ဍာရေးနှင့် အခွန်ဝန်ကြီးဌာန
၂၇။ အမှတ်(၂) လျှပ်စစ်စွမ်းအား ၀န်ကြီးဌာန
၂၈။ သစ်တောရေးရာ ၀န်ကြီးဌာန
၂၉။ ရထားပို့ဆောင်ရေး ၀န်ကြီးဌာန
၃၀။ အမှတ်(၂) စက်မှုဝန်ကြီးဌာန
၃၁။ သာသနာရေးဝန်ကြီးဌာန
အားကစားဝန်ကြီးဌာန
၃၂။ အမျိုးသား စီမံကိန်းနှင့် စီးပွားရေးဖွံဖြိုးတိုးတက်မှု ၀န်ကြီးဌာန
၃၃။ ဟိုတယ်နှင့် ခရီးသွားလာရေး လုပ်ငန်းဝန်ကြီးဌာန
၃၄။ ဘဏ္ဍာရေးနှင့် အခွန်ဝန်ကြီးဌာန
၃၅။ ယဉ်ကျေးမှု ၀န်ကြီးဌာန
၃၆။ မွေးမြူရေးနှင့် ရေလုပ်ငန်းဝန်ကြီးဌာန
၃၇။ အမှတ်(၁)စက်မှုဝန်ကြီးဌာန
၃၈။ အမှတ်(၁)လျှပ်စစ်စွမ်းအား ၀န်ကြီးဌာန

(အချို့နံပါတ်များသည် နံပါတ်အားဖြင့် ဆယ်ဂဏန်းခန့်ခြားသော်လည်း မြေပုံတွင် ကပ်လျှက်ဖြစ်သည်။ ထို့ကြောင့် အချို့ရုံးနံပါတ်များ ထပ်နေခြင်းဖြစ်သည်။)
ကျွန်တော် နိုင်ငံခြားရေး ရုံးကို ရောက်သည့် အချိန်သည် နေ့ခင်း ၁၁နာရီကျော်နေပြီ ဖြစ်ရာ နေသည် အလွန်ပူပြင်း နေလေပြီ။ နိုင်ငံခြားရေးရုံး ၏ ဘယ်ဘက်သို့ ချိုးကွေ့သွားလျှင် ကန်တင်းလေးများရှိပြီး အလယ် ဆုံး ကန်တင်း၏ ဘေးဘက် အဆောင်လေးတွင် ဖောင်တင်ရန် နေရာလေးရှိ၏။ ဖောင်တင်ရန် တန်းစီနေစဉ် ပွဲစားတစ်ယောက်က ကျွန်တော့်အား တုံးထုမလို့လား ဆိုပြီး လာမေးသည်။ ကျွန်တော်က လိုအပ်သည်များကို ထိုသူအား မေးမြန်းလိုက်တော့ နိုတြီပြန်ထားသော လက်မှတ်များအား တင်လျှင် ဘဏ်ချလံပါရမည်ဟုပြောသည်။ ကျွန်တော့်ကို ရန်ကုန်က မဆောင် ခဲ့ဘူးလားလို့ မေးတော့ ကျွန်တော် နဲနဲစိတ်ပူသွားသည်။ ရန်ကုန်များ ပြန်ရတော့ မလားပေါ့။ နောက်တော့ ပျဉ်းမနားက ဘဏ်မှာ သွားသွင်းရင် ရတယ်လို့ ပြောမှ စိတ်အေးသွားတော့သည်။ ဒါနဲ့ ပျဉ်းမနားကို ကျွန်တော် သွားစရာ မလိုပဲ သူသွားဆောင်ပေးမည် ဟုပြောလေသည်။ ဘဏ်သွင်းငွေက ၂ထောင်၊ ခရီးစရိတ်က ငါးထောင် စုစုပေါင်း ခုနှစ်ထောင် ပေးလျှင် အကုန်အဆင်ပြေပြီ ဟု ပြောရာ ကျွန်တော် စဉ်းစားလိုက်သည်။ ပူပြင်းလှသော (၁၀၈ ဒီဂရီ) ရှိသော နေရောင်အောက်တွင် ပျဉ်းမနားထိ ကျွန်တော် ကိုယ်တိုင်သွားခဲ့သော် ပထမအချက် နေပူမည်။ ဒုတိယ ခရီးစရိတ် ကုန်မည်။ ပြီးတော့ ဘဏ်ကိုသွားသွင်းပြီး ပြန်လာရအုံးမည်ဆိုတော့ လူပင်ပန်းမည်။ ခရီးစရိတ်ကို စုံစမ်းကြည့်တော့ ကိုယ်တိုင်သွားလဲ ဒီဈေးပဲဆိုတော့ ကျွန်တော်လဲ သက်သောင့်သက်သာ အဆင်ပြေ တာမို့ ပွဲစားကို ခိုင်းလိုက်သည်။

နေပြည်တော် နိုင်ငံခြားရေးရုံး

နေပူကျဲတဲထဲ တုံးထုတာ ကို တန်းစီစောင့်နေကြသူတွေပေါ့..။

မနက် ကျွန်တော်ရောက်ကတည်းက တန်းစီရသော လူအုပ်သည် နေပူထဲတွင် ချွေးသံတရွှဲရွှဲနှင့် နာမည် ခေါ်တာကို စောင့်ဆိုင်းနေကြ၏။ တချို့က ကျမ်းသစ္စာကျိန်ဆိုလွှာ၊ တချို့က ကျွန်တော့်လို လက်မှတ်များကို တုံးထုဖို့ ဖြစ်ကြ၏။ ကျွန်တော့် နာမည်ကို ခေါ်ရန် နာရီဝက်ခန့်စောင့်လိုက်ရသည်။ အဲဒါနဲ့ ကျွန်တော်လဲ စလစ်စာရွက်ရရော အိမ်ကို တခေါက်ပြန်ပြီး နားနေပြီး ညနေ သုံးနာရီလောက်မှ ပြန်ထွက်ရတော့ သည်။ လမ်းတစ်လျှောက် ကျွန်တော် စီးရတဲ့ ဆိုင်ကယ်သမားတွေကို သိလိုသမျှ အမေးအမြန်း ထူရသည်။ ဒါ ဘာရပ်ကွက်လဲ၊ ဒီအဆောက် အဦးက ဘာလဲ၊ ဒီကန်က ဘယ်လို ခေါ်တာလဲ၊ စသည်ဖြင့်ပေါ့…။ နိုင်ငံခြားရေး ရုံးနားက အထွက် ခပ်လှမ်းလှမ်းတွင် သပြေကုန်း ဆိုတာ ရှိသည်။ သပြေကုန်းဆိုတော့ ကုန်းအမြင့်ကြီးတွေ ဖြစ်ပြီး ထိုကုန်းမြင့်တွေ ကြားထဲမှ လမ်းဖြတ်ဖောက်ထားခြင်းဖြစ်သည်။ ကျွန်တော်တို့ ရန်ကုန်က စမ်းချောင်းအောက်ဘက် ကြည့်မြင်တိုက် ဘက်က ကုန်းကြီးတွေ အတိုင်းဖြစ်သည်။ သို့သော် နေပြည်တော် ကုန်းများက သေချာ ဆောက်လုပ်ထားခြင်း ဖြစ်သည့်အပြင် ဆောက်လုပ်ပြီးစ အသစ်များ ဖြစ်သဖြင့် လှပသည်။ သပြေကုန်းအနီးတွင် အ၀ိုင်းတစ်ခုရှိသည်။ ထိုအ၀ိုင်းကို အေ၀မ်း အ၀ိုင်းဟု ခေါ်ကြသည်။ နေပြည်တော်တွင် အ၀ိုင်းများ များစွာရှိသည့် အနက် ဓနသိဒ္ဓိ ရပ်ကွက်နားက ဧဒင် အ၀ိုင်းသည် နာမည် ကြီးသည်။

ရုံးတက်မယ့် ဖယ်ရီကားတွေ..

ဧဒင် အ၀ိုင်း

နေပြည်တော်သည် ၀န်ထမ်းမြို့ ဖြစ်သည်နှင့်အညီ နေ့ခင်းဘက်အချိန်တွင် လမ်းမကြီးများပေါ်တွင် ယာဉ်အသွားအလာ နဲပါးလှသည်။ တုတ်တုတ်ခေါ် သုံးဘီဆိုင်ကယ်လေးများ နှင့် ဆိုင်ကယ်များသာ တခါတရံ ဖြတ်သန်းသွားလာကြလေသည်။ လူသူရှင်းလှသော လမ်းမကြီးများပေါ်တွင် မဆင်မခြင် မောင်းနှင်မှုကြောင့် ယာဉ်မတော်တဆများ မကြာခဏ ဖြစ်လေ့ရှိပါတယ်တဲ့။ ထို့ကြောင့် ယာဉ်စည်းကမ်းထိန်းသိမ်းရေး အဖွဲ့များသည် လမ်းထောင့်များတွင် ရှိနေတတ်ကြလေသည်။ ဆိုင်ကယ်များတွင် ဆိုင်ကယ်ဦးထုပ်မပါပဲ မောင်းလျှင် ဒဏ်ငွေ ၂၀၀၀၀ ကျပ် ပေးဆောင်ရသည်။ ထိုသို့များပြားသော ဒဏ်ငွေကြောင့်ပင် ဆိုင်ကယ်ကယ်ရီသမား များသည် ဆိုင်ကယ်ဦးထုပ် အပိုအမြဲပါသည်။ တစ်လုံးက သူဆောင်းဖို့နှင့် နောက်တစ်လုံးက ခရီးသည် ဆောင်းဖို့ ဖြစ်သည်။

ဟာ ရဲဖမ်းပြီ... :P
လမ်းဘေးတဘက်တချက်စီတွင် အမိုးပြာလေးများ မိုးထားသော ကားမှတ်တိုင်လေးများ ရှိသော်လည်း မည်သူမျှ စောင့်ဆိုင်း စီးကြပုံမပေါ်ပေ။ မည်သည့် လိုင်းကားမျှလဲ နေ့လည်ခင်းဘက် ပြေးဆွဲပေးသည်ကို မမြင်ခဲ့ရပါ။ နေပြည်တော်တွင် လိုင်းကား ၂မျိုးသာ ရှိသည်။ တစ်မျိုးက မြို့ကို ပတ်ပြီး၊ နောက်တစ်မျိုးက ဌာနဆိုင်ရာ ရုံးတွေဘက်က ပတ်သည်ဟု သိရသည်။ မြို့ထဲရှိ တိုက်ခန်းများသည် နေ့လည်နေ့ခင်း အချိန်တွင် တိတ်ဆိတ် ခြောက်သွေ့နေကြသည်။ အကြောင်းမှာ ထို တိုက်ခန်းတွင်နေထိုင် သူများ သည် ရုံးတက်နေသော ကြောင့် ဖြစ်သည်။ နေပြည်တော်တွင် YKKO ကြေးအိုးဆိုင်ကြီးကိုလည်း သွားရင်း လာရင်းတွေ့ခဲ့ရသည်။ အချို့သော စီးပွားရေး လုပ်ငန်းများလည်း စတင် အခြေတည်နေပြီ ဖြစ်၏။ သို့သော် လက်ရှိအချိန် လူနေမှု အရတော့ မဖြစ်နိုင်ပေ။ ကျွန်တော်သွားခဲ့သော လမ်းတစ်လျှောက်တွင် ဆောက်လုပ်ဆဲ အိမ်ယာများ၊ တူးဖော်ဆဲ မြေကွက်များ၊ ဖောက်လုပ်ဆဲ လမ်းမများ အား လုပ်ကိုင်နေကြသည် မြင်တွေ့ခဲ့ရသည်။ ရန်ကုန်လို မြို့ကြီးမျိုး ဖြစ်ဖို့ ဘယ်လောက် နှစ်တွေ ကြာအုံးမလဲ မသိပေ။

အမိုးပြာလေးတွေ မိုးထားတဲ့ ကားဂိတ်လေး တခု

ဆောက်လုပ်ဆဲ လုပ်ငန်းခွင်များ

ကျွန်တော် ကိစ္စ ၀ိစ္စတွေပြီးလို့ ညနေစောင်း နိုင်ငံခြားရေး ရုံးက ပြန်တော့ တလက်စတည်း နေပြည်တော် မြို့မဈေးကို ၀င်ခဲ့သည်။ တမြို့လုံးတွင် အစည်ကားဆုံး နေရာသည် နေပြည်တော် မြို့မဈေး ဖြစ်သည်။ ညနေပိုင်းတွင် စတင်ရောင်းချသော ညဈေးတန်းကြီးသည် မြို့မဈေး ရှေ့မြေကွက်လပ် တခုလုံး ဖွေးဖွေးလှုပ်နေသည်။ ညနေရုံးဆင်းချိန် ဈေးဝယ်သူများ နှင့် လဘက်ရည်ဆိုင် ထိုင်သူများကလည်း အများ အပြားပင်။ မြို့မဈေး၏ မျက်နှာချင်းဆိုင်တွင်တော့ ကုန်းမြင့်ကြီးတခုရှိသည်။ ထိုကုန်း၏ အောက်ခြေတွင် ရန်ကုန် နေပြည်တော် လက်မှတ် ရောင်းသော ဆိုင်များရှိသည်။ ထိုကုန်းမြင့်ပေါ်တွင်တော့ စားသောက်ဆိုင်များ ရှိလေသည်။ ညနေခင်း တခွက်တဖလား သောက်သူများနှင့် စည်ကားနေသည်။ ထိုကုန်းမြင့်ပေါ်မှ ကြည့်လျှင် မြို့မဈေးနှင့် ခပ်လှမ်းလှမ်းက အဆောက်အဦးများကို တွေ့နိုင်သည်။ (ထိုကုန်းပေါ်မှ ညခင်းဘက် ကြည့်လျှင် လျှပ်စစ်မီးများ ထိန်ထိန်သာနေသော မြို့ပြည ရှုခင်းကို တွေ့မြင်နိုင်သည်)

မြို့မဈေး

ညဘက်ရောက်တော့ ကျွန်တော်လဲ ကျွန်တော်တည်းခိုရာ အိမ်ကနေ ရေမိုးချိုးပြီး ဦးလေးတို့ မိသားစုနှင့် ဧဒင် အ၀ိုင်းကို လမ်းလျှောက်ထွက်ခဲ့သည်။ ကြားဖူးထားသည့် အတိုင်းပင် ဧဒင် အ၀ိုင်းတွင် ညဘက် လေညင်းခံထွက်သူများနှင့် အတော်အတန် စည်ကားလှသည်။ အ၀ိုင်း ပတ်ပတ်လည်တွင်တော့ လဘက်ရည်ဆိုင်များ၊ ပလာတာဆိုင်များ၊ အသုတ်ဆိုင်များ စသည့် ညဘက်ရောင်းသော လမ်းဘေးဆိုင်လေးများရှိသည်။ လျှပ်စစ်မီးများထိန်လင်းနေသော အ၀ိုင်းပေါ်တွင်တော့ နေပြည်တော်မှ ပျိုမေတွေ၊ ကိုကို တွေ တစု တစု ဆီ ၀ိုင်းဖွဲ့ထိုင်နေကြသည်။ မိသားစု လိုက် လေညင်းခံ လာကြသူများလဲ ရှိ၏။ (ဧဒင်ဆိုသည့် အတိုင်း ဒီအ၀ိုင်းတွေမှာလဲ ဧဒင် ဇာတ်လမ်းလေးတွေ ရှိနေပေလိမ့်မည်ဟု တွေးပြီး ပြုံးမိသည်။) နေပြည်တော်တွင် လျှပ်စစ်မီးက တော်တော်မှန်သည်။ ပျက်တော့ ပျက်သည် ဒါပေမယ့် အလွန်ဆုံး ကြာလျှင် ၃၊ ၄ မိနစ်ထက် ပိုမကြာပေ။ စိတ်ချမ်းသာ စရာ ကောင်းလိုက်တာဗျာ။

နေပြည်တော် ညရှုခင်း တခု

နောက်တနေ့ တော့ ကျွန်တော် ဘယ်မှ မသွားဖြစ်ပဲ အိမ်ထဲမှာပဲ ခွေနေဖြစ်သည်။ အဲ့ဒိနေ့ညနေ ပိုင်း ရန်ကုန်လက်မှတ် ၀ယ်နှင့်ပြီးသား ဖြစ်သည်။ မနေ့ကတင် နိုင်ငံခြားရေးရုံးမှ နေပူကျဲတဲကြီး ပြန်လာရသဖြင့် ကျွန်တော် အပြင်ထွက်လည်ဖို့ရန် ပူပြင်းသော နေကို လန့်၍ ဖြစ်သည်။ နဂိုကတည်းက မဖြူသော အသားများ ကပ္ပလီဖြစ်သွားနိုင်သည်။ ထို့ကြောင့် ရန်ကုန်တုန်းက သွားမည်လို့ အားခဲထားသော နေပြည်တော် တိရိစ္ဆာန် ဥယျာဉ်လဲ မသွားဖြစ်တော့ပေ။ ထိုနေ့ တနေ့လုံး ကျွန်တော့်မှာ တီဗီ ကြည့်ချင်း သီချင်းနားထောင်ခြင်း ဖြင့်သာ ကုန်ဆုံးလိုက်သည်။ နေပြည်တော်မှ လွှင့်သော ရေဒီယို လိုင်းတခု ရှိသည်။ ပိတောက်မြေ ဆိုသော လိုင်းဖြစ်သည်။ ၄င်းလိုင်းသည် စီးတီးအက်ဖ်အမ် ကဲ့သို့ သီချင်းများကို ဦးစားပေးလွှင့်သည့် လိုင်းဖြစ်ပြီး၊ တခါတရံ သီချင်းများ နားသည့် အချိန်တွင် ဆွေးနွေးခန်းလို၊ စကားပြောဆောင်းပါးလိုပုံစံ နှင့် ပြည်ပ ဆန့်ကျင်ဘက်၊ အတိုက် အခံများကို ဝေဖန် သည့် ကဏ္ဍကလဲ မကြာခဏ ထုတ်လွှင့်သေးသည်။

ရန်ကုန်ပြန်မည့်ကားက ည ၇ နာရီခွဲကားမို့ ကျွန်တော် အိမ်ကနေ မြို့မဈေးကို ညနေ၆နာရီလောက်ကတည်းက ထွက်သည်။ အချိန်နဲနဲ ပိုနေအောင်လို့ဖြစ်ပြီး ကျွန်တော် ထုံးစံအတိုင်း ကင်မရာ လိုက်ရိုက်ချင်လို့ဖြစ်သည်။ ပထမဆုံး နေပြည်တော်၏ (ရွှေတိဂုံပုံစံတူဟု ဆိုသော ) ဓာတုဇယ ဓာတ်ပေါင်းစေတီကို ၀င်ဖူးမြှော် ဖြစ်သည်။

ညနေခင်း ဘုရား လာဖူးသူ အနည်းအကျဉ်းသာ ရှိနေသဖြင့် ဘုရားရင်ပြင်တော်သည် အေးချမ်း ဆိတ်ငြိမ်နေသည်။ ကျွန်တော်လဲ ခေတ္တ၀တ်ပြုပြီး ဘုရားနှင့် ပတ်ပတ်လည်ရှိ ရှုခင်းတွေကို လိုက်ရိုက်ဖြစ်သည်။ ဘုရားနှင့် အနီးအနားတွင် နေပြည်တော် မီးသတ်တပ်ဖွဲ့ရုံး၏ မျှော်စင်ရှိသည်။

မီးသတ်မျှော်စင်

မီးသတ်ဌာန

ညနေစောင်းလာပြီ မို့ ဘုရား ကုန်းပေါ်မှ ကြည့်လျှင်ပင် တိုက်ခန်းများ ဆီမှ ထိန်ထိန်သာနေသော လျှပ်စစ်မီးများကို မြင်တွေ့နေရသည်။ ထို့နောက် မြို့မဈေးသို့ ရောက်သောအခါ ညဈေးတန်းကို တပတ် လမ်းလျှောက်ကြည့်လိုက်သေးသည်။ လဘက်ရည်ဆိုင်လေးများ၊ လမ်းဘေး အထည်ဆိုင်လေးများနှင့် သူ့ဟာနှင့်သူတော့ လူတွေ ကြိတ်ကြိတ်တိုးနေသည်။ ပြီးတော့ လေတွေက တရဟော တိုက်သည်။ နေပြည်တော်မြို့တော်သည် သစ်ပင်များ သိပ်မရှိသေးပဲ အများ အားဖြင့် ကွင်းပြင်များ ဖြစ်သဖြင့် လေတိုက်တော့ ကြမ်းသည်။ လေတိုက်ဘယ်လောက်ကြမ်းသလဲ ဆို ကျွန်တော် တည်းခိုသော အိမ်ရှိ တံခါးမကြီး ဆောင့် ပိတ်သွားပြီး အလူမီနီယံ စင် လွင့်လောက်အောင်ပင် လေကြမ်းသည်။ မှတ်မှတ်ရရ လေတိုက်ပြီး ပိတ်သွားသော တံခါးကြောင့် လက်ညပ်သော ဒဏ်ရာ ရခဲ့သေးသည်။

ညနေ ၇နာရီ ခွဲတော့ ကားဂိတ်ဆီမှ လက်ကိုင်လော်စပီကာဖြင့် ကားထွက်မည်ဆိုသည့် အကြောင်း သတိပေးသည်။ ကျွန်တော်ကလဲ ကျွန်တော်ရဲ့ တစ်ထုပ်ထဲသော ခရီးဆောင်ကျောပိုးအိတ်ကို လွယ်၍ ကားပေါ်တက်လိုက်သည်။ ကျွန်တော် ထိုင်ရသော ခုံသည် နောက်ဆုံး ခုံ၏ ရှေ့ဘက်တွင်ဖြစ်သည်။ ဒီတခါတော့ သိသွားပြီဖြစ်၍ ပြတင်းပေါက် ဘက်ကပ်လျှက် ခုံကို ၀ယ်ထားခြင်းဖြစ်သည်။ မဟုတ်လျှင် အဲကွန်း မပါသော ကြောင့် ပူအိုက်နေလိမ့်မည်။ အဝေးပြေးကားကြီးသည် စတင်ထွက်ခွာလေပြီ။ လျှပ်စစ်မီးများ ထိန်ထိန်သာနေသော တိုက်ခန်းများနှင့် တဖြည်းဖြည်း လှမ်းလာသည်။ မြို့ပြင်ဘက်ရောက်တော့ သဘာဝ တောရနံ့များ ရလာသည် မှောင်မဲနေသော လယ်ကွင်းများ ရိုးပြတ်တောများက နေရာ တိုင်း စိုးမိုးနေသည်။ လျှပ်စစ်မီးများ ထိန်ထိန်သာနေသော နေပြည်တော် မြို့တော်ကြီးသည် ကျွန်တော်တို့ အဝေး ပြေးကားကြီး ၏ အနောက်ဘက်တွင် မှုန်ပြစွာ ကျန်ရစ်နေခဲ့လေတော့သည်။