နယ်စည်းမခြား မြန်မာ ဘလော့ဂါများ: Port Dickson သို့တစ်ခေါက်...

ဖေဖော်ဝါရီလ ကတော့ အလုပ်ဆင်းရတာ အပျော်ဆုံးဘဲဗျာ။ ဘာကြောင့်လဲဆိုတော့ အလုပ်ဆင်းရက်ကလည်း နည်းနည်းလေး (၂၈)ရက်တည်းကိုး၊ နှစ်သစ်ကူးပိတ်ရတာနဲ့ ကိုယ့်နားရက်ရတာနဲ့ဆိုတော့ အလုပ်ဆင်းရက် နည်းသွားတော့ ဖေဖော်ဝါရီလမှာ အလုပ်ပျက်ရက် မရှိသလောက်ဘဲဗျ၊ အခြားလတွေမှာဆိုရင်တော့ အလုပ်ပျက်လိုက်တာများဆိုတာ တစ်လကို မရှိဘူးဆိုရင် အနည်းဆုံး (၃)ရက်လောက်ကတော့ အနည်းလေးဘဲ။ ဒါတောင် unpaid leave ယူတာနော်၊ Medical leave ပါ ထည့်ပေါင်းရင် မရှိဘူးဆို (၄) (၅) ရက်ကတော့ အနည်းလေးဘဲ။ ဒီလ (၇) ၇က်နေ့နဲ့ (၈)ရက်နေ့ကလည်း တရုတ်နှစ်သစ်ကူးဆိုတော့ ဆိုင်(၂)ရက်တောင် ပိတ်တယ်လေ။ ဒါကြောင့် ကိုယ့်အစီအစဉ်နဲ့ကိုယ် ဟိုဒီ မသွားတော့ဘဲနဲ့ company က ပို့ပေးတဲ့ Free အစီအစဉ် နဲ့ပဲ သွားလိုက်တော့တယ်။ ခါတိုင်းနှစ်တွေ ဆိုရင်တော့ ကိုယ့်အစီအစဉ်နဲ့ကိုယ် တစ်နေရာရာကို သွားနေကြဗျ။ ကျနော်က လူအများနဲ့သွားရတာကို သိပ်မကြိုက်ဘူး။ ဟုတ်တယ်လေ ကိုယ်သွားချင်တဲ့နေရာ မသွားရ၊ သူတို့သွားချင်တဲ့နေရာချည်းဘဲ ကိုယ်က လိုက်နေရတာလေ၊ ကိုယ့်စိတ်တိုင်းကျ မဟုတ်တော့ အများနဲ့ သွားတဲ့ company အစီအစဉ်တွေဆိုရင် လိုက်လေ့လိုက်ထ သိပ်မရှိဘူး။ ဒီနှစ်ကတော့ ကိုယ်သွားမယ် လို့ စီစဉ်ထားတာကလည်း ဒီနေရာ၊ company က လည်း ဒီနေရာဘဲ ပို့ပေးမှာ ဆိုတော့ သိပ်ပြီး ကရိကထ မများတာရယ်၊ ငွေကြေးအကုန်အကျ နည်းတာရယ်ကို တွက်ပြီး Company အစီအစဉ်နဲ့ဘဲ Port Dickson ဆိုတဲ့ Kuala Lumpur မြို့နဲ့ မနီးမဝေးက ကမ်းခြေလေးတစ်ခုကို နေ့ချင်းပြန် အပန်းဖြေခရီးထွက်ဖြစ်တယ် ဆိုပါတော့။

ခရီးတစ်ခု သွားမယ်ဆိုကတည်းက ပြင်ရ ဆင်ရ တဲ့ ဒုက္ခက တော်တော် ကရိကထ များတာဘဲ။ ဒါတောင် နေ့ချင်းပြန်ခရီးမို့လို့သာ တော်တော့တယ်။ နှစ်ည သုံးညသာ အိပ်ပြီး ခရီးသွားရမယ် ဆိုရင်တော့ တစ်ညလုံး မအိပ်ရဘဲနဲ့ ပစ္စည်းတွေများ ထုပ်ပိုးနေရမလား မသိဘူး။ ဒါတောင် အစက ဘလော့ခ်ဂါ မမ ကို မလိုက်ဘူးလို့ ငြင်းထားတာ။ သွားချင်ရင် ကိုယ့်ဘာသာကိုယ်သွားလို့၊ နားတဲ့ရက်(၂)ရက်စလုံး အိမ်မှာဘဲ အိပ်မယ်လို့ ပြောထားတာဗျ။ သွားတော့မယ့် ရက် နီးလာကာမှ သူနဲ့အတူလိုက်မယ့် သူငယ်ချင်းက နေမကောင်းလို့ မလိုက်တော့ဘူး ဆိုတာနဲ့ အဖော်မရှိမှာစိုးလို့ မလိုက်ချင်လိုက်ချင်နဲ့ လိုက်လာရတာ။ စုရပ်မှာ ချိန်းထားတာက မနက် 63း0၊ ညကလည်း ယူသွားမယ့် ပစ္စည်းမကျန်ရအောင် ဟိုဟာယူ၊ ဒီဟာထည့် နဲ့ဆိုတော့ တော်တော် ညဉ့်နက်မှ အိပ်ဖြစ်တယ်၊ ပြီးတော့ မနက်ကို ငါးနာရီလောက်ထပြီး ပြင်ဆင်ရတာဆိုတော့ လူက ကားပေါ်ရောက်တာနဲ့ တော်တော် အိပ်ချင်နေပြီ။ ငှားလာတဲ့ ကားကလည်း ကိုကုလား မောင်းတဲ့ကား၊ ဖွင့်လာတာကလည်း ကုလားသီချင်းတွေချည်းဘဲ၊ ကိုယ်နားမလည်လို့လား မသိပါဘူး ဘာတွေ ဆိုနေမှန်း မသိပေမယ့် အကတွေကတော့ တော်တော်ကောင်းတာဘဲဗျ၊ ကုလားမ လေးတွေ ဗိုက်လေးတွေ လှုပ်လှုပ်ပြီး ကလိုက်တာ ဆိုတာများ မျက်စိထဲကကို မထွက်ဘူး :p။ သွားရင်းသွားရင်း တော်တော်လေးကြာတော့ အလုပ်လုပ်ဖော် သူငယ်ချင်းတစ်ယောက်မှာ ``၀ိုင်ဝိုင်းရဲ့ လက်ရွေးစင်´´ခွေပါလာတာတွေလို့ ဖွင့်ခိုင်းတော့မှ ကုလား အဆိုတော်များရဲ့ နားငြီးစေတဲ့ အဆိုပိုင်နိုင်မှုအောက်က လွတ်တော့တယ်။ ဒါတောင်မှ ``၀ိုင်ဝိုင်း´´ ရဲ့ ``အချစ်ငှက်´´ သီချင်းကိုဖွင့်ထားတာဆိုတော့ ``အဝေးဆုံးက အကြင်နာဆုံးရေ´´ လို့ သီချင်း အလိုက်လေးကိုညဉ်းမိပါတယ် ဘေးနားက ဘလော့ခ်ဂါ မမ ရဲ့ မျက်စောင်းထိုးတာကို ခံရသေးတယ်။