၂- စင်္ကာပူ-ကိုလံဘို SIA လေယာဉ်ခရီးစဉ်အမှတ် SQ 466

ပါတိတ်ဝမ်းဆက် အရှေ့တိုင်းဟန်နဲ့ လေယာဉ်မယ်

လေထုထဲသို့လေယာဉ်မတက်ခင်မှာ..လေယာဉ်မယ်ကလေးက အရေးပေါ်ဖြစ်လာပါက အသက်ကယ် အင်္ကျီ ထုတ်ဝတ်ယူပုံ၊အောက်စီဂျင်ပြတ်သွားပါက အပေါ်မှ အလိုအလျောက်ကျလာမဲ့အသက်ရှူကိရိယာ အသုံးပြုကိုသရုပ်ပြနေပြီး ထိုင်ခုံရှေ့ရှိ ရှေ့ခုံကျောဘက်တွင်တပ်ဆင်ထားတဲ့ တီဗီစကရင်လေးပေါ်မှာလည်း အလားတူသရုပ်ပြနေပုံကိုမြင်နေရပါတယ်။ ကွန်မြူနီကေးရှင်း အီလစ်ထရောနစ် ဒီဗိုက်များကို လေယာဉ်ပျံသန်းနေစဉ်အတောအတွင်း တစ်ချိန်လုံးပိတ်ထားပေးပါ။ကိုလံဘိုသို့လေယာဉ်စတင်ထွက်ခွါနေ ပြီ စတဲ့ အသံများ စပီကာမှထွက်ပေါ်လာပါတယ်။

မကြာမှီအရှိန်အဟုန်နဲ့လေထုကိုထိုးခွဲပြီးလေယာဉ်ကြီးကကောင်းကင်သို့ထောင်တက်သွားပါပြီ။ နေရစ်တော့
အစ်မရေ။ မန်ဒိုင်းစီမီတာရီယမ်မှာ ၄-၁-၂၀၀၈ ကမီးသဂြိုလ်ပြီး၊ ၅-၁-၂၀၀၈မှာ အရိုးပြာကို ဒီလေယာဉ်အောက်က ဒီချိန်ဂီ ပွတ် မှာပဲ ရေမျှောခဲ့ရသေးတယ်။ အစ်မအတွက်တော့ တစ်ဘ၀တာပြီးဆုံးခဲ့ပြီပေါ့။ အတိတ်ဆိုတာ ပြီးခဲ့ပြီ ဆိုပေမဲ့ ပြုခဲ့တဲ့ ကုသိုလ်တွေကတော့ အကျိုးဆက်အဖြစ် အရိပ်လိုပဲအစဉ်လိုက်နေမှာပါ။ ဘယ်တော့မှလည်းပျောက်ပျက်သွားတော့မှာမဟုတ်။ အဲဒါကို ထာဝရပစ္စုပ္ပန် လို့ ဆရာကြီးဦးရွှေအောင်ကဖေါ်ညွှန်းပြောဆိုခဲ့တာ အမှတ်ရနေမိပါတယ်။

တီဗီ စကရင်လေး

လေယာဉ်ကြီး က မြောက်ဘက်စူးစူးကို ထိုးတက်သွားပြီးနောက် အရှေ့ဘက်က ထွက်လာတဲ့ ထွန်းသစ်စ နေ
ရောင်ခြည်က လေယာဉ် ပြူတင်း ကိုဖြတ်ပြီး အတွင်းသို့ကျူးကျော်ဝင်ရောက်လာတယ်။ မကြာမှီ တခြမ်းစောင့်နိမ့်ကျသွားတဲ့ လေယာဉ်တောင်ပံကြီးကိုမြင်ရပြီးနောက်လေယာဉ်က မလေး ကျွန်းဆွယ် ပေါ်ကနေ အိန္ဒိယတိုက်ငယ်တောင်ဘက်စွန်းရှိ ပုလဲလုံးလေးသဖွယ် သီဟိုဠ် (ခ) သီရိလင်္ကာ သို့ ဦးတည်လိုက်ပါပြီ။

အဲဒီအချိန်မှာ ဖြူနုငယ်ချော တဲ့ SIA ကလေယာဉ်မယ်လေးတွေ အပြုံးချိုချိုလေးတွေနဲ့ ဟိုဒီလျှောက်လို့။ ပါတိတ် ၀မ်းဆက်ယူနီဖောင်းကအရှေ့တိုင်းဟန်အပြည့်နဲ့။ အပေါ်ကဘလောက်အင်္ကျီ၊အောက်က ထဘီလေးတွေနဲ့။ အနောက်တိုင်းလေယာဉ်စီးခရီးသည်တွေအတွက် ညို့ဓါတ်အပြည့်ပါဘဲ။ ရန်ကုန်-စင်္ကာပူ Silk Air လေယာဉ်ပေါ်မှာကျတော့ တစ်မျိုး။ ငှက်ပျောညွှန့် အစိမ်းနုရောင် အပေါ်အောက်ဝမ်းဆက်၊ အင်္ကျီ.စကတ် လေးတွေက အနောက်တိုင်းပုံဟန်အပြည့်။ ဒါမှ မြန်မာပြည်လို အရှေ့တိုင်းခရီး သည် ဖမ်းစားနိုင်မှာကိုး။ ထဘီ၊ ရင်ဖုံး တွေဆိုတာက မြန်မာတွေအတွက် ရင်းနှီးပြီးသားမို့ အထူးအဆန်းမဟုတ်တော့ အနောက်တိုင်းယူနီဖောင်းကိုဝတ်စေ။ အနောက်ကိုသွားမဲ့လေ ယာဉ်တွေပေါ်မှာတော့ အရှေ့တိုင်းယူနီ ဖောင်း ကို ၀တ်စေ။ဒီလိုမျိုး။ အင်း..ဘိဇနက် မျက်စိ ဆိုတာ ဒါပဲထင်ပါရဲ့။

ရေနွေးငွေ့နဲ့ပိုးသတ်ပြီးသား ပုဝါလေးတွေကို လေယာဉ်မယ်တစ်ဦးက ညှပ်ဖြင့်ကမ်ပေးလာတယ်။ ပုဝါကိုလှမ်းယူ.မျက်နှာကိုပွတ်တိုက်ပြီး နောက် လက်တွေကို ပွတ်သတ်လိုက်တော့ အစောကြီးထလာ ရတဲ့ ပင်ပန်းနွယ်နယ်မှုက တဒင်္ဂမျှ ဖြေလျော့သွားတယ်။ မကြာမှီ လာပြန်ပြီ။ ပလပ်စတစ်အိတ်လေးနဲ့ထည့်ထား တဲ့ နားကျပ်လေး။ အသစ်စစ်စစ်ပါကင်ပိတ်။ အိပ်လေးပေါ်ကပ်ထားတဲ့ စာကိုဖတ်ကြည့်တော့ အသုံးပြုပြီး ပြန်သိမ်းမည်တဲ့။ အပိုင်ပေးတာမဟုတ် ဘူး။ ခေါင်းအုံးနှင့် စောင်လည်းပေးတယ်။ အားလုံးသုံးပြီးပြန်ထားရ မှာ။ ဒီလေယာဉ်က ခရီးသည်တွေသုံးပြီး တစ်ပါတ်နွမ်းတွေကို ဘယ်မှာပြန်သုံးသလဲ မသိဘူး။

ထိုင်ခုံလက်ရန်း ရှိ ရီမုတ် ကွန်ထရိုး

လက်ထဲကို နားကျပ်လေးရောက်လာပြီဆိုတော့ ဘယ်ရမလဲ။ ထိုင်ခုံ နဘေးတန်း မှာရှိတဲ့ ဂျက်ပင်ထိုးတဲ့ အပေါက်လေး ထဲကို ထည့်။ ခုံတန်းနဘေးကပ်မြှပ်ထားတဲ့ ကြိုးတပ်ထားတဲ့ ရီမုတ်ကွန်ထရိုးကို ဆွဲထုတ်။ ပြီးခလုပ်လေးတွေကို နှိပ်ပြီး မျက်နှာမူရာထိုင်ခုံ နောက်ကျောက တီဗီဖန်သားပြင်လေးကို အလုပ်ပေး ထားလိုက်ပါတယ်။ အော်ဒီယို ဗီဒီယို ချယ်နယ်အစုံ တရုပ်.ကုလား.အင်္ဂလိပ် ကားကြိုက်ရာသာ ကြည့်ပေ တော့။

ဗီဒီယို အော်ဒီယို ကြိုက်ရာရွေးပေါ့

အဲဒီကွန်ထရိုးရဲ့နောက်ကျောမှာက နံပါတ်လေးတွေနှိပ်လို့ရတဲ့ တယ်လီဖုန်း။ နိုင်း -အီလဲဗင်း (9/11)ကာလ အကြမ်းဖက်သမားများ လေယာဉ်တွေကိုအပိုင်စီး အမေရိကန်က World Trade Center နှင့် ပင်တဂွတ် ကို Fight စဉ်က လေယာဉ်ပေါ်ပါ ခရီးသည်တွေအတွက် တစ်ခုတည်းသော အပြင်လောကရဲ့ ထွက်ပေါက်က အဲဒီဖုန်းလေးတွေ ထင်ပါရဲ့။ မှန်း ကြည့်စမ်း .သေချာအောက် မြန်မာပြည်ဖုန်းဆက် စမ်းသပ် လိုက်မယ် ။

ခရစ်ဒစ်ကတ်တော့လိုမယ်နော်.

ဘုရားရေ--ခရစ်ဒစ်ကတ် ထည့်ရန်တဲ့. ရီမုတ် ရဲ့နဘေးအရာလေးက။ လေယာဉ်ကြီးစီးနေရလို့ စိတ်ကြီးဝင်နေခဲ့တဲ့ရွှေမြန်မာခရီးသည်တစ်ယောက်ကို .ခရစ်ဒစ်ကတ်ဆိုတဲ့ အရာက နေရာမှန်ပြန်ပို့လို့ ဘ၀င်မြင့်တာတွေ ပျောက် ဘ၀မှန်ပြန်ပြန်ရောက်သွားစေပါတော့တယ်။ ဟုတ်တယ်လေ..ခရစ်ဒစ်ကတ် တဲ့။ ဖွံ့ဖြိုးတိုးတက်နေတယ်လို့ ဆိုတဲ့ တို့ ရွေမြန်မာနိုင်ငံမှာ ခရစ်ဒစ် ကတ်ဆိုတာ ကြီးက ကမ္ဘာနဲ့မြန်မာ ဘယ်ခါမှမတူနိုင်ပါ လို့ စည်းတား လို့ ခွဲခြားထားခံရတဲ့ အထောက်အထား တစ်ခုဖြစ်လို့နေပါပေါ့လား...။