၃- စင်္ကာပူ-ကိုလံဘို SIA လေယာဉ်ခရီးစဉ်အမှတ် SQ 466

လေယာဉ်စီး ခရီးသည်အချို့

လေထုထဲတွင် လေယာဉ်ကား အရှိန်အဟုန်ပြင်းပြင်းနှင့် ခရီးနှင်နေလေပြီ။ လေဆိပ်သို့ အစောကြီးဆင်းလာခဲ့ရ၍ နံနက်စာ အရုဏ်ဆွမ်းမစားခဲ့ ရသေး။ လေယာဉ်ထွက်ချိန်ကား မနက် 07:05 နာရီ။ ချက်ကင် ၀င်ဖို့အတွက် မနက် အစောကြီးထ၊ မောင်ဇော်မင်းကားလေးနဲ့ 04:30 မှာလေဆိပ်ကို ကားစီး။ လေဆိပ်ရောက်တော့ 05:00 နာရီ။ ဒါပေမဲ့ Real Local Mean Time က မနက် 04:00 ကျော်ရုံလေးသာ(စင်္ကာပူက မလေးရှားနှင့်အပြိုင် ဖြစ်အောင် ၁ နာရီရှေ့တိုးထား၏)။ အရုဏ်မတက်သေး။ ဒကာများက စီစဉ်ပေးမည် ဆိုငြားသော်လည်း နိုးနိုး။ လေယာဉ်မယ် ယူလာမဲ့ မနက်စာ ကို အားပါးတရ တီးလိုက်မယ်ပေါ့။

စတီး ဇွန်း ခရင်း တွေက အပျံစား..ယူသွားရင် ကောင်းမလား

မကြာမှီ လာပါပြီ။ အစားအသောက်တော့ မဟုတ်သေး။မနက်စာ ရဲ့ ရှေ့တော်ပြေး လိမ္မောရည် နှင့် မီနူးကတ်။လင်ပန်းပေါ်မှာက လိမ္မော်ရည်ထည့်ထားတဲ့ တစ်ခါသုံးပလပ်စတိခွက်ကလေး များ။ No- Would u mind to give me a cup of water please? ။ လောလောဆယ် ရေ ပဲကောင်းတယ်။ မြန်မာတွေက အချိုကဲမှ။ လေယာဉ်ပေါ်ပေးတဲ လိမ္မောရည် ကခံတွင်းမတွေ့။ ချဉ်ဖြုံး ချဉ်ဖြုံးနဲ့။သကြားထည့်မှ အဆင်ပြေမယ်။ ဒီက မီနူး စားရင်းပါ ကြိုက်ရာမှာစား။ပိုက်ဆံမပေးရ။ ကြိုက်တတ်သူအတွက် ယမကာ ပါရနိုင်သေး။

ခေါင်းမြီးခြုံ ကုလားမလေးမှာ ကလေး နဲ့နော်

တွန်းလှည်းကလေးပေါ် မနက်စာဗူး ကလေးတွေ တင်လို့၊ ဘာစားမလဲ လို့မေးလာတဲ့လေယာဉ်မယ်ကို တုန့်ပြန်လိုက်တယ်။ အော့မလက် နဲ့ ၀က်အူချောင်း။ အံ့သြသွားသလား။ ၀က်အူချောင်းရတယ်ဆိုလို့ ။ မြန်မာပြည် တနံတလွှား ဘယ် ရထားပေါ် ကားပေါ် ၀က်သားမရောင်းကြ။ ကားတစ်စီးလုံးမှာ နှစ်ယောက် သုံးယောက်က မူဆလင်ဖြစ်နေသလား၊ ထမင်းစားဖို့ အတွက် ၀က်သားမရောင်းတဲ့ဆိုင်ရှာရပ်ပေးရတယ်။ ကြုံဖူးကြမှာပါ။ ဒီလေယာဉ်ပေါ်မှာ တော့ မူဆလင်ပါလည်းမတတ်နိုင်။ ၀က်သားကြိုက်တော့ မှာရမှာပဲ။ မြန်မာပြည် မှ မဟုတ်တာ။ မြန်မာပြည်ဆိုတာက ကားပေါ် ရထားပေါ် မူဆလင် ပါလို့ကတော့ ၀က်သားအကြောင်း ကျယ်ကျယ်တောင် မပြောရဲကြဘူး။ သူတို့ရှေ့ စား ဖို့ကတော့ အဝေး ကြီးလိုသေး။ မမျှော်လင့်ဘဲ မူဆလင်တစ်ယောက်ယောက် အိမ်ရောက်လာရင် စားဖို့ ချက်ထားတဲ့ ၀က်သားဟင်းတောင် သူမမြင်အောင် ၀ှက်ရ၊ ဖုံးရ၊ ဖိရ တာ က အစဉ်အလာ။

လေယာဉ်စပိ ဘယ်လောက်နဲ့ ပျံနေလဲ အဲဒီမှာ ကြည့်လို့ရတယ်

(မလေးရှားရောက်စဉ်က ဧည့်သည်ဖြစ်တဲ့အတွက် အိမ်ရှင်နိုင်ငံ ရဲ့ ဓလေ့ထုံးစံ စည်းမျည်း စည်းကမ်း ဥပဒေ ကို လေးစား လိုက်နာခဲ့ရပါတယ်။ မြန်မာပြည် မှာ ဗုဒ္ဓဘာသာ ဟာ အိမ်ရှင်ဘာသာပါ။ သူများဆီရောက်တော့ ဧည့်သည်မို့လို့တဲ့။ ကိုယ့်ဆီ သူလာတော့လည်း အိမ်ရှင်မို့ ဆိုပြီး ကိုယ်စားမဲ့ ၀က်သားဟင်းကို ၀ှက်ထားကြပြန်တယ်။ မူဆလင်အိမ်သွားချိန်မှာ ဧည့်သည်ကိုဦးစားပေးလို့ ကိုယ်စားတဲ့ ၀က်သားနဲ့ ဧည့်ခံခဲ့တယ်ဆိုရင်တော့ ကိုယ့်ဆီသူလာချိန်မှာ ၀က်သားဟင်း ၀ှက် ရတာ ဟာ တရားမျှတ မှု ရှိပါတယ်။ ဒီလိုမှ မဟုတ်ရင်တော့….လူကြီးတွေ သင်ပေးနေတဲ့ ဒီအစဉ်အလာ ကို နောက်လူငယ်တွေ လက်ခံ သင့်မသင့်၊ တရားမျှ တ မှု ရှိ မရှိ ဝေဖန် ဆန်းစစ်သင့်လှပါတယ်။)

ဝက်အူချောင်း.နဲ့ စားလိုက်ရတယ်.

ရောက်လာပါပြီ မနက်စာ။ ဗန်းကလေးပေါ်မှာက ခဲစက္ကူဖုံးထားတဲ့ အော့မလက် နဲ့ ၀က်အူချောင်း၊ ခါးတောက်တောက် ကော်ဖီတစ်ခွက်၊ ချဉ်ဖြုံးဖြုံး လိမ္မောရည်၊ သစ်သီးခွက်ထဲမှာက စပျစ်သီး ၊ပန်းသစ်တော်သီးစိပ်နှင့် လိမ္မောသီး နှစ်မွှာ။ ပေါင်မုန့်လည်းပါသေး။ ယိုဗူး နဲ့ ထောပတ်ဗူး သေးသေးလေး။ နောက် သကြား..နို့ရည်၊ငရုပ်ကောင်းမုန့်၊ စတီး ဇွန်းခရင်း နှင့် ဓါးလေးတစ်ချောင်း၊ သွားကြားထိုးတံက အစ မကျန်ရ၊ ဗန်းကလေးထဲ ပါတယ်။ အစာ မြင်မှ ပိုဆာလိုသလိုပဲ၊ ဗိုက်ထဲမှာက တဂွီဂွီ နဲ့။

အင်ဒိုနီးရှား ဝေဟင်ထဲရောက်နေပါပြီ

တီဗီ ကို ချယ်နယ်ပြောင်းပြီး လေယာဉ်ဘယ်ရောက်နေသလဲ ကြည့်လိုက်တယ်။ အော်..အင်ဒိုနီးရှားပေါ် ဖြတ် ပျံနေပြီကိုး။ Ground Speed က 922 km/h ၊ အမြင့်က 11582 m၊ ဘေးဘီ ဘယ်သူပါပါ အားမနာနိုင်၊ ၀က်အူချောင်း နဲ့ မနက်စာ စားခဲ့တယ်။ မြန်မာပြည်မှာဆို လေယာဉ်မပြောနဲ့ ကားပေါ် ရထားပေါ် ၀က်သား ဘယ်စားရမလဲ၊ မူဆလင်သာပါ နေလို့ကတော့ အသေအချာပဲ၊ ငတ်ပြီပေါ့။ အခုတော့ အင်ဒိုနီးရှားဝေဟင်ထဲ လေယာဉ်ပေါ် ၀က်အူချောင်း နဲ့ မနက်စာ စားခဲ့ရခြင်းဟာ အမှတ်ရစရာ တစ်ခုအဖြစ် နှလုံးသားမှာ စွဲထင်ခဲ့ပါတော့တယ်။